NAMNEWS.UZ—Маънавий-маърифий,ижтимоий-сиёсий,ахборот

 Қисқа сатрларда
Ўзбекистоннинг ҳар бир ҳудудида Президент мактаблари очилади 19:19 16/11/2018
{$info.title|escape:'html'}
“Мамлакатимизни янги тараққиёт босқичига кўтаришни ўз олдимизга устувор вазифа қилиб қўйган эканмиз, буни амалга ошириш учун бизга, энг аввало, янги авлод кадрлари керак. Ана шундай юксак салоҳиятли кадрларни тарбиялаш мақсадида юртимизнинг ҳар бир ҳудудида биттадан янги типдаги мактаблар - Президент мактабларини ташкил этишни режалаштирганмиз”, деди Шавкат Мирзиёев.
Батафсил
Таэквондочиларимиз эътирофда: Таиландда олтин олган олтовлон 09:38 14/11/2018
{$info.title|escape:'html'}
Таиландда ўтказилган анъанавий халқаро турнирда наманганлик ёшлар Ватанимиз шарафини муносиб ҳимоя қилиб, шода медалларга эга бўлди.
Батафсил
Эълонлар тахтаси 09:29 14/11/2018
Батафсил
Телефондан бошингни кўтар, замондош! 19:53 13/11/2018
{$info.title|escape:'html'}
Ҳозир эса кўпчилик қўл телефонидан бош кўтармайди. Ҳамма нарса — энди қўл телефони! Э, бошингни кўтар, замондош! Сени не-не рўзномалар, китоблар кутяпти!
Батафсил
Тиббиёт ходимлари муносиб шарафланди 09:28 12/11/2018
{$info.title|escape:'html'}
Вилоят ҳокими Хайрулло Бозоров бугунги кунда тиббиёт ходимлари олдида турган долзарб вазифалар ҳақида тўхталар экан, энг аввало, тиббий профилактика, яъни касалликларнинг олдини олиш, касал бўлмаслик учун нималар қилиш кераклиги ҳақида тарғибот ишларини аҳолига етказиш, одамлар онгига қуйдира олиш лозимлигини таъкидлади.
Батафсил

Ахсикент – очиқ осмон ости музейи

Июль 08
10:18 2016

Ахсикент  буюк аждодларимизнинг юксак ақл-заковати, маданиятининг  ифодаси рамзи сифатида наманганликларга ғурур-ифтихор бағишлайди. Бу вилоят ҳокимининг жорий йилнинг 10 июнида қабул қилган “Тўрақўрғон туманида тарихий “Ахсикент” археологик ёдгорлик мажмуасини ташкил қилиш, ҳудудни ободонлаштириш ва унинг тарихини ўрганиш учун очиқ осмон остида музей қуриш тўғрисида” ги қарорида ўз ифодасини топди.

Ўрганилишини кутиб ётган бу нодир ёдгорлик бебаҳо маънавий хазина манбаидир. Уни ўрганиш ва тадқиқот натижаларини янги-янги илмий рисолалар, монографиялар, мақолалар тариқасида ўзимизда ва чет элларда эълон қилишнинг фурсати аллақачон келган. Бу ерда “Очиқ осмон остидаги музей” ташкил этиш, ёдгорлик атрофини ободонлаштириш, миллий анъаналар, замонавий талабларни ҳисобга олган ҳолда кўтарилган деворлар билан ўраш, музей биносини ҳам қадим меъморчилик анъаналари  асосида қайта қуриш ва жиҳозлаш, сайёҳлар учун барча қулайликларга эга бўлган замонавий дам олиш мажмуаси (комплекси) барпо этиш  бугунги куннинг долзарб вазифаси бўлиб турибди.

Агар «Очиқ осмон остидаги музей» бир мунча вақт талаб қиладиган –истиқболдаги мақсад бўлса, Ахсикентнинг ёпиқ бинодаги музейини қайта шакллантириш, бойитиш шу кунги вазифамиздир. Ёдгорликни археологик нуқтаи назардан тадқиқ қилиш асносида у ердан топилган нодир буюмлар, миллий ҳунармандчилик санъати  намуналарини бўлажак музейда намойиш этиш, албатта бу ерга келувчи сайёҳлар оқимини кучайтиради. Негаки, айнан шу маскан бўлғуси туристик мажмуанинг жони, юраги бўлмоғи керак. Ташриф буюрган меҳмонлар юртимиз тарихи ва маданияти ҳақида айнан шу ерда тўла тасаввурга эга бўладилар. Музей залларидан кўҳна Ахсикент ва Темурийлар томонидан тикланган янги Ахсидан топилган ноёб ашёлар, бу шаҳарларда туғилган ёки қайси бир йўсинда уларга мансублиги бўлган машҳур сиймоларнинг ҳаёти, илмий-ижодий ва ё сиёсий-ижтимоий фаолиятига оид топилмалар ёки уларнинг фототасвирлари жой олмоғи зарур. Айнан шундай ашёлар, осори атиқалар Париж, Санкт-Питербург, Тошкент, Самарқанд ва бошқа шаҳарлардаги музейларда сақланади, деган маълумотлар мавжуд. Иложи борича, уларнинг ҳаммасини тасвирга туширилиши ва бўлғуси музейга қўйилиши керак. Бундан ташқари, муаззам ёдгорлик теварагида жойлашган қишлоқлардаги аҳоли қўлида ҳам ўрганса, кўпчиликка намойиш этса арзийдиган анча-мунча ашёлар бор.

Музейда амалга ошириладиган безаш (дизайн) ишлари энг моҳир мутахассислар томонидан, юксак замонавий талабларга жавоб берадиган даражада  бажарилмоғи лозим. Негаки, муайян халқнинг тарихи, маънавияти, санъати, яшаш тарзи, этнографияси билан яқиндан танишишда музейларнинг аҳамияти беқиёсдир. “Ахсикент музейи” зиёратчилар ўртасида халқнинг бой маданияти, тарихи, санъати тўғрисида кенг маълумот бера оладиган, ёш авлоднинг тарбияси, дунёқараши, эстетик дидини шаклланишида  муҳим рол ўйнаши мумкин бўлган маънавий- маърифий тарғибот марказига айланиши жуда-жуда муҳим.

 Яна бир гапни айтиб ўтиш лозим. Музей халқнинг маданий меросини коллекциялаш, сақлаш ва асраш мажбуриятига эга. Шунинг учун ҳам, бўлғуси дорул-осорда намойиш қилинадиган  ашёлар малакали мутахассислар томонидан соҳалар, даврлар бўйича турларга бўлиниши ва сайёҳларга ана шу тартибда  тақдим этилиши керак. Ёдгорлик намуналарини тақдимотга тайёрлашга ижодий тарзда, замонавий технологияларни қўллаган ҳолда ёндошиш яхши натижалар беради. Авваламбор халқ томонидан яратилган моддий бойликлар ва инсон маънавияти билан боғлиқ қадриятлар тарғиб қилиниши керак. Шунингдек, ҳар қандай халқнинг маънавий мероси, бойлигини рассомлар, меъморлар, ёзувчилар, шоирлар, санъаткорлар, олимлар томонидан яратилган илмий-ижодий асарлар ҳам ташкил этади. Мазкур маданий-маърифий даргоҳдан ижод ва илм аҳлининг ватанимиз, вилоятимиз, хусусан Ахсикент тарихи билан боғлиқ асарлари ҳам жой олмоғи даркор.

 «Очиқ осмон остидаги музей» ташкил этиш эса кўҳна Ахсикент ва янги Ахсини ўрганиш бўйича кенг кўламдаги қазиш ишларининг бошланиши билан боғлиқдир. Шунда вайроналар остида ётган турли-турли иморатлар, иншоотлар очилади ва уларнинг зарур ўринларини реставрация ва консервация қилинган ҳолда аҳли жаҳонга намойиш этмоқ мумкин бўлади. Бу ҳаммамизнинг асосий эзгу ниятимиздир. Бунинг учун эса “Ахсикент” жамғармаси ташкил этилиши фойдадан ҳоли бўлмайди.

 

Алижон АЗИЗОВ,

санъатшунослик фанлари

номзоди, доцент.

Музаффар КАРИМОВ,

вилоят ўлкани ўрганиш музейи директорининг ўринбосари.

Манба:"Дунё ва давр", 2016 йил 15 май,

Мавзуга оид

  1. Наманганда бадиий гимнастика бўйича “Олимпия умидлари” республика очиқ турнири бўлиб ўтди

    Ватанимиз мустақиллигининг 25 йиллигига бағишлаб ташкил этилган мусобақада вилоятлар ва Тошкент шаҳридан 160 га яқин ёш спортчи ўзаро баҳслашди. 

    2016-06-22 10:44:231860
  1. Ахсикент - "Осмон остидаги музей" бўлади
    Ўзининг икки минг йиллик тарихига эга бўлган Наманган замини туризм ўчоқлари, тарихий ёдгорликлари, моддий маданий мерос объектларига бой бўлган муқаддас замин сифатида ном қозонган. Бу диёрдаги машҳур Ахсикент, Мунчоқтепа, Айритом, Муғтепа каби меъморий ёдкорликлар ўтмишда ушбу ҳудудда ўзига хос цивилизация ва бой маданият ривожланганидан далолат беради.
    2018-06-15 17:33:012443
  1. Гиламдўзлик музейи – келажак авлодга тортиғимиз бўлади
    Гиламчилик Ўрта Осиё, хусусан Ўзбекистан ҳудудида жуда қадимдан ривожланган. Археологларнинг маълумот беришича, юртимиз ҳудудида милоддан аввалги I минг йилликда гиламчилик мавжуд бўлган. Айниқса, XIV aсрнинг  иккинчи ярмидa минтақамизда гиламдўзлик санъати янада кенг ривoжлaнди. Айниқса, Темурийлар даврида асосан эроний ва туркий анъана уйғунлашган, ХVI асрдан бошлаб эса  Мовароуннаҳрда дашти қипчоқ ўзбек қабилаларининг гиламдўзлик намуналари кенг тарқалган. Туркий халқлар ҳунармандлик анъаналарининг ўзаро уйғунлиги ва мутаносиблиги ўзбек миллий гиламдўзлик маданияти асосини ташкил этади.
    2018-11-03 18:05:46300
  1. АХСИКЕНТ – «ФАРҒОНА ШАҲАРЛАРИНИНГ ОНАСИ»

    Ушбу битиклар муаллифига вилоят Маънавият ва маърифат кенгаши жамоатчилик тарғибот гуруҳи раҳбари, Фуқаролик жамияти шаклланишини мониторинг қилиш мустақил институти вилоят ҳудудий бўлинмаси 

    2016-11-14 12:42:252887

 

    

Энг кўп ўқилганлар

Календарь

Боғланиш

Алоқа

Телефон: +998 93 406 05 05   
+998 90 988 54 77
Email: namnews@mail.ru

Реклама бўлими: +998 90 988 54 77, +998 93 406 48 40

Бизни кузатинг:

Facebook'даги саҳифамиз: facebook.com/namnews.uzbekistan

Twitter'даги саҳифамиз: twitter.com/namnews.uz