NAMNEWS.UZ—Маънавий-маърифий,ижтимоий-сиёсий,ахборот

 Қисқа сатрларда
Салоҳга Маккадан ер ажратилди: «Истаса масжид қурсин ёки хайрия фонди» 00:24 27/04/2018
{$info.title|escape:'html'}

Бу туҳфа - мисрлик юлдузга ҳурмат белгисидир. У юксак инсоний фазилатлари ва одоби билан барчага намуна. Салоҳ Британияда мусулмонларнинг энг яхши хислатларини намоён этмоқда. Бу орқали у диний бағрикенглик ва миллатлараро қадриятлар элчиси вазифасини ўтамоқда.

Батафсил
ШАВКАТ МИРЗИЁЕВ 1 МАЙ КУНИ НАМАНГАНГА ТАШРИФ БУЮРАДИ 22:26 26/04/2018
{$info.title|escape:'html'}

Президентимиз Шавкат Мирзиёев келгуси ҳафтанинг сешанба куни, 1 май санасида Наманган вилоятига ташриф буюради. Бу ҳақда давлат раҳбари 26 апрель куни ўтказилган видеселектор йиғилишида маълум қилган.

Батафсил
"ЎЗБЕКИСТОН ҚУРЪОН МУСОБАҚАСИ-2018": наманганлик қори ва қориялар ғолиблар сафида! 22:07 26/04/2018
{$info.title|escape:'html'}
Батафсил
Партия ташаббуси: уюшмаган ёшлар тарих билан юзлашди 21:39 26/04/2018
{$info.title|escape:'html'}

ЎзМТДП сайловолди Платформасида ҳам тарихий, маданий ва илмий-интеллектуал меросни кўз қорачиғидек асраб-авайлаш, бойитиш ва уларни янада кўпайтиришга кўмаклашиш, ўзбек халқининг бой тарихи ва маданиятини ўрганиш, ушбу бойликларни камол топиб келаётган ёш авлод ўртасида кенг миқёсда тарғиб этиш, ёшларда тарихий мерос ва халқ анъаналарига чуқур меҳр-ҳурмат, эҳтиром уйғотиш каби мақсад-вазифалар белгиланган.

Батафсил
НАМАНГАН МАТБУОТИГА НУҚТАИ НАЗАР: Ўз номига муносиб халқчил газета қайси? 20:11 26/04/2018
{$info.title|escape:'html'}

Шу ўринда очиқ гап: Наманган вилоятидаги аксарият етакчи газеталар (гап эгасини топади) таҳририяти бош муҳаррирлари ва мухбирлари "оғзига толқон солиб" олган, муассисим нима дер экан, деган ҳадикда ўзи учун "цензура майдони"ни белгилаб олган айни пайтда "Халқ иродаси"нинг чинакам ирода кўрсатаётганини бошқа ҳамкасбларимиз учун ибрат қилиб кўрсатсак арзийди!

Батафсил

ХИВАКИ ТАРИХДА ҚОЛГАНИ РОСТМИ ёхуд хом-хатала ашула билан халқ ҳузурига чиқаётганлар аслида кимлар?

Январь 15
00:46 2018

 Инсон ўз касбини нечоғли пухта эгалласа, унинг ипидан игнасигача билса, ҳаётдан оладиган завқи ҳам ўзгача бўлади. Атрофдагилар эса шунга яраша муносабат билдиради. Сирасини айтганда, ўз соҳасининг устаси элда ҳурмат қозонади. Айниқса, бу санъаткор учун жуда муҳим. Унинг халқ орасида ҳофиз мақомини эгаллаши эса, чинакам бахт демакдир. Ўзбекистон ва Қорақалпоғистонда хизмат кўрсатган артист Раҳматжон Қурбоновнинг бу борада ўз қарашлари бор.


— Ҳофиз деган номнинг юкини кўтариб юриш, муносиб бўлиш анча мушкул, — дейди Раҳматжон ҚУРБОНОВ. — Ҳофиз, аввало, хушовоз бўлиши, ҳикматларни пухта билиши керак. Китоб унинг доимий ҳамроҳига айланиши лозим. Алишер Навоий, Огаҳий, Маҳтумқули, Бобораҳим Машраб каби буюклар асарларидан бохабар бўлмаса, санъатнинг ҳақиқий устасига айлана олмайди. Бир сўз билан айтганда, саводда беназир инсонни ҳофиз дейиш тўғри бўлади.
— Инсон камолоти, унинг келажакда эришадиган ютуқларига болалигида замин яратилади. Сизни санъатга қандай куч етаклаган?
— Отам беш яшарлигимда рубоб олиб берганди. Иштиёқим ичимга сиғмай, икки кунда бир куй ўрганиб, чалганимни кўрган яқинларим мени мусиқа мактабига беришди. У ерда устозлардан рубоб чалиш сирларини ўргандим. Ҳар куни тўрхалтамга рубобни жойлаб, мусиқа мактабига қатнардим. Болабахши Абдуллаевнинг хонадони йўл юзида эди. Бир куни Болабахши бир отахон билан эшик олдида гурунг қилиб ўтирган экан. Икки қўлимни кўксимга қўйиб, уларга салом бердим.
— Кимнинг ўғли бу? — сўради отахон. Бошида хоразмча телпак, мўйловлари ҳам ўзига ярашиб турган бу инсон диққатимни тортди.
— Бу — Хударганнинг ўғли, мусиқа мактабига қатнаяпти, — деди Болабахши ота дўстига қараб. — Улли бўлса, артист бўлжоқ. Оти Раҳматжон. Қани, шу болага бир фотиҳа беринг.
Шунда отахон қўлини дуога очиб, менга оқ фотиҳа берди. Улғайиб билсам, бу киши машҳур санъаткор Мадраҳим Шерозий экан.
Ўшанда 1967 йил эди. Мен энди саккиз ёшга кирган бола эдим. Шундан кейин кўп устозларни кўрдим. Ўзбекистон халқ артисти Комилжон Отаниёзов отамнинг дўсти бўлгани боис уйимизга кўп келарди. Санъат, улуғ алломалар ҳақида тонггача баҳс-мунозара қизирди.
— Болаликда бошланган иштиёқ ўтининг аланга олишида устозларнинг берган ўгитлари ва кўрсатган йўл-йўриқларининг ҳам аҳамияти катта, шундай эмасми?
— Албатта, бошланган ишнинг бардавом бўлишида бу жуда муҳим. Мусиқа билим юртидаги таҳсил давомида устозим Абдушариф Отажоновдан айтим йўлларини, «Гиря», «Куйгай» каби қўшиқларни ўргандим.
Билим юртини тамомлаб, 1979 йили Тошкент давлат консерваториясига ўқишга кирдим. Иш фаолиятим эса 1975 йилдан бошланди. Хивадаги «Нақш» ансамблида мусиқа раҳбари бўлиб ишлай бошладим. Ҳам ўқиб, ҳам ишлаб назария ва амалиётни бирга олиб бордим. Кейинчалик 1978 йили Урганч шаҳрида филармония очилди. У ерга Бобомурод Ҳамдамовни бадиий раҳбар, мени эса мусиқа раҳбари этиб тайинлашди.
Консерваторияда Ҳалима Носирова, Шавкат Муҳаммедов, Ориф Алимахсумов каби устозлар қўлида ўқиб, санъатнинг нозик сирларини ўргандим. Учинчи курсдан кейин ўзим ҳам ўқитувчилик қилиб, талабаларга сабоқ бера бошладим. 1988 йилдан «Лазги» ашула ва рақс ансамблида мусиқа раҳбари бўлиб ўн етти йил фаолият олиб бордим. Кўп йиллик ижодий изланишлардан кейин Алишер Навоий номидаги опера ва балет театрида фаолиятимни давом эттирдим. Ҳозирги кунда Хоразм маданият бошқармасида иш олиб боряпман.
— Сизни «Довудий овоз соҳиби» деб эътироф этишади. Бу мақомга қандай эришгансиз?
— Тарихда бу мақомга фақатгина Довуд пайғамбардек ширали, сеҳирли ва баланд овоз соҳибларигина эришган.
...1983 йил республикамизда мақомчилар кўрик-танлови бўлди. Ана шу танловда мен ҳам қатнашиб, биринчи ўринни олганман. Шу танловда менга «Довудий овоз соҳиби» деган диплом беришди. Ҳайъат аъзолари орасида Фаттоҳхон Мамадалиев, Ориф Алимахсумов, Саодат Қобулова, Файзулла Кароматов, Насим Ҳошимов, Отаназар Матёқубов каби санъат дарғалари мени шундай номга лойиқ кўришди.
— Раҳматжон оға, сиз ижодкор инсонсиз. Бир қанча китобларингиз санъат ихлосмандлари томонидан илиқ кутиб олинган. Ҳаммасига қандай вақт ажратасиз?
— Тадбирлар, учрашувлар, гастроллар одамни чарчатиб қўяди. Аммо мен ижод қилиб, дам оламан. Шеърлар, рубоийлар, қўшиқлар ёзиб ўзим куй басталаб, чарчоғимни чиқараман. 2004 йилда ёзган рубоийларимни тўплаб китоб қилдим. 2009 йили «Санъатнома» номли китобимнинг биринчи қисми нашрдан чиқди. 2017 йили устозим Комилжон Отаниёзов ва ўзимнинг шеърларимни жамлаб «Устоз йўлидан» номли китоб чиқардик. «Санъатнома»нинг иккинчи китоби ҳам тайёр. Комилжон Отаниёзовнинг ҳаёти ва ижодини акс эттирувчи «Уч бўстон булбули» номли драма ёзиб, Огаҳий номидаги мусиқали драма ва комедия театрида саҳналаштирдик. Юбилей арафасида қўйилган бу саҳна асари мухлислар томонидан илиқ кутиб олинди.
— Маълуму машҳур бўлган, халқ тилида «Боқ, боқ», яъни «Хиваки»нинг яратилиш тарихи мухлисларга қизиқ...
— Санъат оламига кириб келганимга қирқ йилдан ошди. Устозим Комилжон Отаниёзовга ўхшаб мен ҳам лазги каби умрбоқий қўшиқ яратсам, деб ният қилардим. «Хиваки»нинг сўзлари, куйи хаёлимда яхши етилди. Бир куни уйга келиб, қўлимга торни олиб, шу қўшиқнинг мусиқасини чалдим. Изидан сўзи келди. Иккинчи банди, учинчи банди... Буни қарангки, ажойиб бир қўшиқ чиқди. Аммо ҳали «хом» эди. Шу пайт уйга шогирдим Тўлқин Жабборов келиб қолди. Унга кўрсатдим, маъқуллади. Шеърни ва мусиқасини маромига етказдик.
— Бугунги тўйларимизда хизмат қилаётганларга санъаткорлик одоби ҳақида қандай ўгит ва маслаҳатлар берасиз?
— Агар санъаткор ўз касбини севса, фидойи бўлса, халқнинг олдида ҳалол хизмат қилса, албатта, унга эл муносиб баҳосини беради. Энди тўйларда ҳар турли «ярим яланғоч» қўшиқларни куйлайдиган, ҳар нарсани қўшиқ, деб айтаверадиган «санъаткорлар» ҳам борки, уларни эшитадиган одамларнинг даражаси шу ашулани айтиб турган санъаткорники билан тенг. Қўшиқни тинглаб, тушуниш ҳам бир санъат аслида. Санъат мукаммалликни талаб этади. Шу даргоҳга кадам қўйдингми, касбингга меҳрли бўл, уни мукаммал ўрганишга кириш. Халқнинг олдига хом-хатала қўшиқларни айтиб чиқиб бўлмайди.
— Мана шу ўгитларни шогирдларингизга ҳам уқтиришга ҳаракат қиласизми?
— Шогирдларимга ҳамиша ҳалол, санъатда софдил бўлишни уқтирганман. Шундагина халқнинг қалбига кириб бориш мумкинлигини тез-тез такрорлайман. Бу зиммамдаги устозлик бурчим.
— Оила — улуғ даргоҳ. Ҳар қандай ижодкорнинг эришадиган муваффақиятлари, аввало, шу масканда куртак ёзади. Сизнинг эришган ютуқлари­нгизда ҳам бунинг ўрни бўлакча бўлса керак?
— Тўғри айтасиз, ҳар кимнинг ўз оиласидан кўнгли хотиржам бўлсагина, ишида унум ва барака бўлади. Менинг ижод қилишимда бу ишда рафиқамнинг кўмаги катта. Икки ўғил, икки қизни бирга тарбияладик. Ҳаммаси уйли-жойли, олий маълумотли. Турмуш ўртоғим ҳозир набиралар тарбияси билан банд. Фарзандларимдан кўнглим тўқ. Жамият равнақига ўз ҳиссаларини қўшиб келаётганидан хурсандман.


Болтабой Муҳаммад Қурбон 
суҳбатлашди.

ОИЛА ДАВРАСИДА газетасидан олинди.

Мавзуга оид

  1. Самвел Бабаян: “Гейнрих ҳали қариб қолгани йўқ”

    Ўзбекистон - Сурия учрашувидан кейин ташкил этилган матбуот анжуманининг иккинчи қисмида мезбонлар устози Самвел Бабаян қатнашди.

    2016-09-02 08:26:35698
  1. 2016 йилги ҳосилга тегишли пахта хом ашёсининг харид баҳолари тасдиқланди

    Ўзбекистон ҳукумати 11 сентябрдаги қарори (pdf) билан 2016 йилги ҳосилга тегишли пахта хом ашёсининг харид нархларини тасдиқлади, деб ёзади UzDaily.

    2016-09-19 14:56:51690
  1. Россия халқ артисти Алексей Жарков вафот этди

    Таниқли санъаткор, Россия халқ артисти Алексей Жарков 68 ёшида оламдан ўтди. Бу ҳақда РФ Кинематографчилар иттифоқи хабар тарқатди, деб ёзмоқда«Вести.ru».

    2016-06-07 12:29:29871
  1. Геосиёсий кучларнинг Марказий Осиёдаги тўқнашуви: Афғонистон шимолидаги нотинчликдан кимлар манфаатдор

    Қундуз вилояти стратегик жиҳатдан ўта аҳамиятли жойлашувга эга бўлиб, айнан шу жойда минтақанинг исталга ҳудудига ўтиш имконияти берувчи йўллар мавжуд. Ўтган асрнинг 30-йилларида Туркистон миллий озодлик ҳаракати вакиллари шу ердан маскан тутиб, ўз ҳарбий ҳаракатларини мувофиқлаштириб борганлар. Бундан ташқари 1979-1989 йилги совет-афғон қарама қаршилиги даврида энг муҳим ҳарбий операциялар шу ерда ўтказилган.

    2017-05-28 23:26:195884

 

    

Энг кўп ўқилганлар

Календарь

Боғланиш

Алоқа

Тел.: +998 93 406 48 40   

Email: namnews@mail.ru

Реклама бўлими: +998 93 406 48 40

Бизни кузатинг:

Facebook'даги саҳифамиз: facebook.com/namnews.uzbekistan

Twitter'даги саҳифамиз: twitter.com/namnews.uz