NAMNEWS.UZ—Маънавий-маърифий,ижтимоий-сиёсий,ахборот

 Қисқа сатрларда
Билдиргилар бўлими 19:07 21/09/2018
Батафсил
Халқимиз учун маҳаллий нашрлар қизиқ ва яқинми? 17:58 21/09/2018
{$info.title|escape:'html'}
“Таҳлилларга кўра, туман (шаҳар) газеталарига ҳудудда аҳолининг ҳечқурса 4 фоизи обуна бўлиши кифоя экан. Яъни бир киши обуна бўлганда, шу газетани унинг оила аъзолари ҳам албатта ўқийди ва бу орқали қамров даражаси 20-25 фоизга етади. Аниқроғи, 100 минг аҳоли яшайдиган туман (шаҳар)даги газетанинг обунаси йўқ деганда 4 минг нусха бўлиши керак. Аммо ўрганишлар кўп туман (шаҳар)ларда мазкур рақам 1 фоиз ҳам эмаслигини кўрсатмоқда...”
Батафсил
Наманганда инвестиция муҳити кенгаяди: яқин 2 йилда 19 мингдан зиёд иш ўрни яратилади 19:27 18/09/2018
{$info.title|escape:'html'}
Наманган вилоятини 2018-2019 йилларда ижтимоий-иқтисодий ривожлантириш инвестиция дастурига кўра, 503 та лойиҳа шакллантирилиб, бу хайрли ишларга 5 триллион 400 миллион сўм маблағ сарфланиши ва бунинг натижасида 19 минг 200 та янги иш ўрнини яратиш кўзда тутилган. Тўғридан-тўғри хорижий инвесторлар иштирокида эса 16 та лойиҳа амалга оширилиб, бунга 110 миллион 300 минг АҚШ доллари миқдоридаги инвестиция маблағлари йўналтирилади.
Батафсил
Наманган вилояти ҳокимлиги "Очиқлик индекси"да етакчи бўлди 15:36 18/09/2018
{$info.title|escape:'html'}
“Очиқлик индекси” рейтингида ҳокимиятлар миқёсида Наманган вилояти ҳокимлиги умумий ҳисобда Тошкент шаҳри ҳокимлигидан (72,07 балл) сўнг иккинчи, вилоятлар ўртасида эса 65,82 балл билан фахрли 1-ўринни эгаллади.
 
Батафсил
Шота Арвеладзе Намангандаги стадионни нега танқид қилди? 12:25 18/09/2018
{$info.title|escape:'html'}
- “Навбаҳор” жамоаси ўз ўйини кучайтириши, умуман, ўзбек футболи ривожланиши учун аввало, майдонларни яхшилаш керак. Чунки футболни майдонда ўйналади, - деди "Пахтакор" клуби бош мураббийси Шота Арваладзе.
Батафсил

Исҳоқхонтўра Ибрат мактаб дарсликларига киритилсин!

Ноябрь 05
23:46 2017

Истиқлол фидойилари ҳисобланмиш миллий уйғониш даври ўзбек адабиётининг етук намояндалари қаторида Исҳоқхон Ибрат муҳим ўрин тутади. Унинг ҳаёти ҳамда серқирра ижодий фаолиятининг ибратли жиҳатлари бир талайки, бугунги ёшлар учун чинакамига ўзига хос сабоқ мактаби ролини ўйнайди. Президентимиз Шавкат Мирзиёев таъкидлаганларидек: “Улуғ аждодимиз Ибрат тахаллусини ўзига бежиз танламаган экан. Унинг Ватан ва юрт тараққиёти йўлидаги фидокорона ҳаёти нафақат ўз даврида, балки, бугунги кунда ҳам барчамиз учун ҳақиқий ибрат намунаси бўлиб хизмат қилмоқда, десак адашмаган бўламиз”. Шундай экан, таълим-тарбия тизимида маърифатпарвар ҳамюртимизнинг ҳаёти ва ижодий меросини ўрганишга алоҳида эътибор билан қарашимиз айни маҳалда долзарб масалага айланганини англаб етамиз. Биз бу ишга аввалдан, астойдил киришилмаганини эътироф этган ҳолда энди режали, керак бўлса, изчил олиб борилиши зарурлигига асқотадиган илмий-амалий фикр-мулоҳазаларни билдиришга жазм этиб турибмиз.

Мактаб, лицей, коллежлар учун чиқарилган дарсликларда гарчи Маҳмудхўжа Беҳбудий, Абдурауф Фитрат, Абдулҳамид Чўлпон, Абдулла Авлоний ва Муҳаммадшариф Сўфизода каби жадидчи қаламкашлар ҳақида анчагина маълумотлар ижодларидан парчалар берилганига қарамай, улар билан бир сафда турган Исҳоқхон Ибратга шу пайтгача негадир алоҳида ўрин ажратилмаган. Назаримизда, фақатгина олий ўқув юртларидаги ўзбек тили ва адабиёти йўналишидаги талабалар “Миллий уйғониш даври ўзбек адабиёти”  фани дарсликларидан ўқимоқдалар, холос. Истардики, Ибрат фаолияти ва ижодий меросини ўргатишни  мактабдан бошлаб, ўрта-махсус таълимда янада муккаммалроқ давом эттириб, сўнгра институт ва университетларда кенг қамровли ташкил қилинса, бу борада узлуксизликка эришилган бўлар эди. Натижада, ёшлар онгини истиқлол фидойилари ҳақидаги билимлар билан бойитиш маълум даражада такомилга етарди. Шу соҳадаги эзгу ниятларнинг ижобатига кўмаклашиш учун дастлаб керакли маълумотларни бериб сўнгра кўнглимизда туғилган таклиф ва мулоҳазаларимизни мухтасар баён қилиб ўтмоқчимиз.Чунончи, Ибрат амалий ишларига ижодий  фаолиятини уйғунлаштирган серқирра салоҳият соҳиби. Ўзидан бизларга бой адабий ва илмий мерос қолдирган. Унинг  “Луғати ситтати ал-сина” асари олти тилли луғат бўлиб, арабча-форсча-ҳиндча-туркча-русча-сартча (ўзбекча) сўзлардан тартибланган. Муаллиф русча ёзув тизимини билмайдиганларга ҳам қулай бўлсин учун рус сўзларини ҳам араб ёзуви  билан беради. Маълумки, рус ва Европа сўзларини араб ёзувида ифодалаш анча мураккаб бўлса-да, Ибрат бу ишни мувафаққиятли ҳал қилди”

Адибнинг тилшуносликка оид иккинчи рисоласи “Жомеъ ул-хутут” (“Ёзувлар мажмуаси”) дир. Унда дунёдаги қирқ битта ёзувнинг тадрижий такомили ғоят аниқлик билан ёритилган. Шуниси диққатга сазоворки, 132 саҳифали мазкур илмий асар муаллифнинг ўзи томонидан ташкилланган “Матбааи Исҳоқия” босмахонасида ғоят чиройли ва бежирим шаклда чоп этилган.

 Президентимиз Шавкат Мирзиёев 2017 йилнинг 7-8 июлидаги Наманган сафарлари чоғида даставвал Тўрақўрғонда бунёд этилаётган Ибрат хиёбонига ташриф буюрганларида: “Унинг “Фарғона тарихи” асари мамлакатимиз тарихига оид нодир манбалардан биридир” дея таъкидлаганлари бежиз эмас.  Инчунун, мазкур китобини ёзишга киришган мозийшунос ўзи ўқиган, уққан, билган ва кўрганларини миллатдошларига илинган. Яна бир қўлёзмалигича қолиб ётган истиқлол даврига келибгина мухлислар қўлига китоб ҳолида тақдим қилинган асари "Мезон ул-замон" дир. Яъни, замон тарозуси маъноси мужассам рисоланинг мавжуд тўққиз мезони оламдаги ўзгаришларга одамдаги ўзгаришларни уйғунлаштирмоққа, янгиликлардан бебаҳра қолмай, иллатлардан тезроқ фориғланишга даъватнома тарзида битилган. Туркий назм ва ўзбек мумтоз сўз санъатининг нодир намуналари мутолаасига болаликдан ошноланган Исҳоқхон тўра умр бўйи адабиётнинг туйғуларга йўғрилган кичик жанрида қалам тебратиб, ўзига хос бадиий мерос қолдирди. Шеърий ижодини теран тадқиқ этган Улуғбек Долимов унинг шоирона тафаккурига, айниқса, публицистик шеърларига юқори баҳо берган.

Бир одамда шунча қобилят ва салоҳиятнинг мужассамлиги камёб ҳодиса. Ибратнинг ибратона ҳаёти ва фаолияти ҳозирги ёшлар учун ҳар жиҳатдан ўрнак қилиб кўрсатса арзийди. Бу борадаги амалий ишларни кучайтирмоқ, изчил ташкилламоқ  фурсати етди. Агар ибратшуносликни тизимли олиб бормоқчи эканмиз, бизнингча, қуйидагича йўл тутмоқ  мақсадга мувофиқ:

Биринчидан, таълим муассасалари ўқитувчиларига олти йўналишдаги машғулот мавзусини таклиф этамиз:

а) Ибрат-тилшунос;    б) Ибрат-шоир;                в)  Ибрат-мозийшунос;

г) Ибрат- жамиятшунос; д) Ибрат- матбаачи ва журналист; е) Ибрат-ҳуқуқшунос.

Юқоридаги мавзулар бўйича  ўзбек тили ва адабиёти, тарих, жамиятшунослик, ҳуқуқшунослик асослари фанлари ўқитувчилари томонидан уларнинг ҳар бири ўзлари дарс бераётган соҳага оид Исҳоқхон Ибратнинг китоблари бўйича тўгарак машғулотлари, ўқув-тренинглари  уюштиришлари керак;

Иккинчидан, ўқувчи ва талабаларга мустақил иш мавзулари доирасига Исҳоқхон Ибратнинг серқирра фаолияти ва маънавий-маърифий меросини ўрганишни киритиш лозим;

Учинчидан, ҳамюртимизнинг Наврўз айёмида таваллуд топганини инобатга олиб, март ойида барча ўқув муассасаларида  “Ибратхонлик” кечаларини ўтказишни анъанага айлантириш;

Тўртинчидан, кўп тилларни ўзлаштираётган иқтидорли болалар ўртасида “Ибрат издошлари” кўрик-танловини эълон қилиб, ғолибларни луғат китоблар жамланмаси билан рағбатлантириш;

Бешинчидан, Республикамизнинг барча ҳудудларидаги таълим муассасаларида “Ибрат - ўзбек маърифатпарвари” мавзусида иншолар танловини ташкил қилиш орқали мамлакатимизнинг чекка-чекка минтақаларидаги ўқувчи-ёшларнинг ватанпарвар ва юртпарвар Исҳоқхон Ибратнинг ҳаёт саҳифаларини ўрганишга бўлган қизиқишларини кучайтириш, бу билан уларни истиқлол фидойисининг беқиёс ишларидан бохабарлигини таъминлаш.

Олтинчидан, таълим муассасалари ёшлари ўртасида ўтказиладиган “Маънавият соатлари” режасида ҳар йили “Исҳоқхон Ибратнинг муносиб издошлари бўлайлик!” мавзусида давра  суҳбатлари  ташкил этишни белгилаб қўйиш.

Хулоса ўрнида айтамизки, биз билдирган таклифлару мулоҳазалар, албатта, беъэтибор қолмайди. Юртини севган, юрт улуғлари меросига меҳр-муҳаббатли ҳар бир ёш Ибратнинг қай бир жиҳатидан ўрнак олса, истиқлолли Ватанимизнинг равнақига қўшаётган ҳиссаси янада ортиши аниқ.

Манзура Абдуллаева,

НамДУ талабаси, ибратшунос

Мавзуга оид

  1. Месси Аргентина терма жамоасидаги фаолиятини якунлаши ҳақида эълон қилди

    Аргентина терма жамоаси сардори Лионель Месси Америка Кубоги финалида Чилига мағлуб бўлингач, миллий терма жамоа сафида бундан буён ўйнамаслиги ҳақида маълум қилди.

     

    2016-06-27 16:51:481011
  1. Ислом КАРИМОВ: “ЎРГАНИШ, ЎРГАНИШ ВА ЯНА БИР БОР ЎРГАНИШ КЕРАК”

    Наманган савдо ва маиший хизмат кўрсатиш касб-ҳунар коллежига қадам қўйган шахс ўзи кутган, орзу қилган оламга кириб қолгандай ҳис этади.

    2016-09-17 20:18:57674
  1. Жорий йилда мактаб ярмаркалари учун 37,3 миллион дона ёзув дафтари етказиб берилади

    Халқ таълими вазирлиги билан ҳамкорликда ҳудудлар бўйича дафтар маҳсулотларига бўлган эҳтиёж ўрганилиб, мактаб ярмаркалари учун 37,3 миллион дона ёзув дафтари етказиб берилиши белгиланган.

    2016-08-05 13:59:58915

 

    

Энг кўп ўқилганлар

Календарь

Боғланиш

Алоқа

Телефон: +998 93 406 05 05   
+998 90 988 54 77
Email: namnews@mail.ru

Реклама бўлими: +998 90 988 54 77, +998 93 406 48 40

Бизни кузатинг:

Facebook'даги саҳифамиз: facebook.com/namnews.uzbekistan

Twitter'даги саҳифамиз: twitter.com/namnews.uz