NAMNEWS.UZ—Маънавий-маърифий,ижтимоий-сиёсий,ахборот

 Қисқа сатрларда
Арзон уй-жойлар учун дастлабки бадал суммаси камайтирилди 17:16 19/07/2018
{$info.title|escape:'html'}
2018 йилда қишлоқ жойларда янгиланган намунавий лойиҳалар бўйича арзон уй-жойлар ва шаҳарларда арзон кўп квартирали уйлар қуриш дастурларини амалга ошириш механизмларини такомиллаштиришга доир қўшимча чора-тадбирлар тўғрисидаги Президент қарори қабул қилинди.
Батафсил
Бургут чемпион бўла оладими? 16:32 19/07/2018
{$info.title|escape:'html'}
Финал жуфтликларида 61 килограмм вазн тоифасида Бургут Ҳожибоев самарқандлик Меҳрож Мавлоновга, энг оғир вазн тоифасида (+90) эса Ғайбулло Қўчқоров Қорақалпоғистон Республикаси вакили Ренат Раҳимовга қарши чемпионлик унвони учун рингга чиқадилар.
Батафсил
"Тараққиёт стратегияси" маркази қорайтирилган ойнак учун тўловлар ўта қимматлигини билдирди 20:12 17/07/2018
{$info.title|escape:'html'}
Пуллик рухсат бериш тизими мавжуд бўлган мамлакатлардан қўшни Қирғизистонда транспорт воситаси орқа ва ён орқа ойналарини тусини ўзгартиришга рухсат олиш учун тўлов бир йилга 200 АҚШ долларига тенг миқдорда ҳамда Тожикистонда бир йилга 310 АҚШ долларига тенг миқдорда ундирилиши белгиланган. Бу эса Ўзбекистонда таклиф этилаётган тўлов миқдори билан таққослаганда Қирғизистондан деярли 20 бараварга, Тожикистондан қарийб 7 бараварга қиммат дегани.
Батафсил
Наманганда техник-амалий спорт турлари ривожланмоқда 19:47 17/07/2018
{$info.title|escape:'html'}
Учқўрғон тумани картадромида Ўзбекистон мудофаага кўмаклашувчи “Ватанпарвар” ташкилоти Наманган вилояти кенгаши ташаббуси билан ўтказилган картинг бўйича вилоят очиқ биринчилиги ғолиб-совриндорлари аниқланди.
Батафсил
"Yoshlar-kelajagimiz" давлат дастури ижросига киришилди 19:25 17/07/2018
{$info.title|escape:'html'}
Президентимиз Шавкат Мирзиёев таъкидлаганидек, ёшлар тадбиркорлиги ва уларнинг фаолияти самарадорлигини ошириш бўйича барча қулайликларни яратиб бериш лозим. Бунга кўра, 5 кунлик амалга оширилган ишлар юзасидан ҳисоботлар тингланди ва йўл қўйилган хато-камчиликлар кўриб чиқилиб, жойларда ҳал этилмаган масалалар юзасидан манзилли режалар ишлаб чиқилди.
 
Батафсил

МУХЛИСА - ОСИЁДА ТЕНГСИЗ!

Март 28
09:01 2018

МУХЛИСА - ОСИЁДА ТЕНГСИЗ!
Халқимизнинг миллий асрларга тенг миллий қадрияти кураш бугун жаҳонга юз тутди. Шу йилнинг 22-25 март кунлари Ҳиндистоннинг Пуна шаҳрида ўтказилган кураш бўйича X Осиё чемпионатида иштирок этган мамлакатимиз спортчилари миллий курашимизни яна бир бор халқаро ареналарда намоён этишди.


Осиё–Океания Кураш Конфедерацияси (КСАО) тақвимига кирувчи энг йирик мусобақада қитъамизнинг 20 дан зиёд мамлакатидан келган икки юздан ортиқ полвон 15 вазн тоифасида гиламга тушди. Эътироф этиш жоиз, энг кўп иштирокчига (21 нафар) эга бўлган терма жамоамиз аъзолари Осиё чемпионатидан 10 олтин, 5 кумуш, 1 бронза, жами 16 та медаль билан қайтдилар. Бу юксак натижа ҳамюртларимизни умумжамоа ҳисобида ғолиб чиқишини таъминлади.
Қувонарлиси шундаки, қизғин ва драматик баҳсларга бой бўлган кураш байрамида Ватанимиз шарафини муносиб тарзда ҳимоя қилган Наманган Давлат университети талабаси Мухлиса Абдумаликова 63 килограмм вазн тоифасида олтин медаль ва чемпионлик унвонига эга бўлди. Ҳиндистон, Турманистон, Хитой Тайпейи, Эрон давлатларидан келган рақиблари курагини ерга теккиза олган полвон қизимиз финалда жамоадоши Дилдор Шерметовани мағлубиятга учратди. Эътиборлиси шундаки, Мухлиса Абдумаликова шу йилнинг август–сентябрь ойларида Индонезияда бўладиган ёзги Осиё ўйинларида илк бор ўзбек кураши бўйича беллашувларда қатнашиш учун йўлланмани ҳам қўлга киритди.
- Сафдошимиз Мухлисанинг ушбу юксак муваффақиятидан биз ёшлар беҳад хурсанд бўлдик. “Ҳалол”, “Ёнбош” каби иборалар ўзбек тилида дунё ареналарида янграмоқда, - дейди Ўзбекистон “Миллий тикланиш” демократик партияси Наманган вилояти Кенгаши “Ёшлар қаноти” етакчиси Маъмуржон Эргашев. – Зеро, ЎзМТДП Сайловолди платформасида ҳам миллий қадриятларимиз, матонат, жасорат, ватанпарварлик ва инсонпарварлик асосларини ўзида ёрқин мужассам этган ўзбек курашини Олимпия ўйинлари қаторига киритиш мақсадида Халқаро Олимпия Қўмитаси билан алоқани ҳар тарафлама мустаҳкамлаш устувор вазифалар ижроси ҳам таъминланаётгани эътиборга молик. Албатта, чемпион иштирокида жойларда ярқ этиб кўзга ташланаётган ўғил-қизларни ҳам спортга, хусусан миллий курашимизга ошно этиш борасида амалий саъй-ҳаракатларимизни давом эттирамиз.


Дарвоқе, бир неча карра Ўзбекистон ва Осиё чемпиони, жаҳон чемпиони Мухлиса Абдумаликованинг салмоқли ютуқларида биринчи устози, Янгиқўрғон туманидаги 47-умумтаълим мактаби мураббийси, республика тоифасидаги ҳакам Комилжон Бўтаев, Наманган Олимпия захиралари коллежида сабоқ берган мураббийлари Улуғбек Раҳмонов, вилоят кураш федерацияси ижрочи директори, мураббий Муҳаббат Кошеваларнинг муносиб ҳиссалари бор.


Оқилхон ДАДАБОЕВ,

спорт шарҳловчиси.
 

 

    

Энг кўп ўқилганлар

Календарь

Боғланиш

Алоқа

Телефон: +998 93 406 05 05   
+998 90 988 54 77
Email: namnews@mail.ru

Реклама бўлими: +998 90 988 54 77, +998 93 406 48 40

Бизни кузатинг:

Facebook'даги саҳифамиз: facebook.com/namnews.uzbekistan

Twitter'даги саҳифамиз: twitter.com/namnews.uz