NAMNEWS.UZ—Маънавий-маърифий,ижтимоий-сиёсий,ахборот

 Қисқа сатрларда
Республика Ишчи гуруҳи Наманган туманида: Муҳайё туғма юрак нуқсонидан ҳоли бўлди 17:54 23/09/2018
{$info.title|escape:'html'}
“- Қизимни соғайтириш учун узоқ вақт ҳаракат қилдик. Олиб бормаган шифохонамиз қолмади. Ҳайрият, ниятимизга етадиган кун ҳам бор экан. Таниқли мутахассислар, олим шифокорлар туманимизга келиб, фарзандимни дарддан халос этишди. Халқ бахту саодати йўлидаги хайрли ишларнинг бошида турган Президентимизга минг раҳмат”, - дейди Асқарали Қурбонов.
Батафсил
Сенатор чилим ва электрон сигареталар чеклови ҳақида нима дейди? 17:25 23/09/2018
{$info.title|escape:'html'}
Жамоат жойларида чилим ва электрон сигареталар чекишни чеклашга қаратилган профилактик тадбирларни амалга оширишда давлат ҳокимияти ва бошқаруви органлари, фуқароларнинг ўзини ўзи бошқариш органлари, нодавлат нотижорат ташкилотлар, корхоналар, муассасалар, ташкилотлар, таълим масканлари ва бошқа ташкилотлар иштирок этишининг белгилаб қўйилгани бунда муҳим аҳамият касб этади.
Батафсил
Билдиргилар бўлими 19:07 21/09/2018
Батафсил
Халқимиз учун маҳаллий нашрлар қизиқ ва яқинми? 17:58 21/09/2018
{$info.title|escape:'html'}
“Таҳлилларга кўра, туман (шаҳар) газеталарига ҳудудда аҳолининг ҳечқурса 4 фоизи обуна бўлиши кифоя экан. Яъни бир киши обуна бўлганда, шу газетани унинг оила аъзолари ҳам албатта ўқийди ва бу орқали қамров даражаси 20-25 фоизга етади. Аниқроғи, 100 минг аҳоли яшайдиган туман (шаҳар)даги газетанинг обунаси йўқ деганда 4 минг нусха бўлиши керак. Аммо ўрганишлар кўп туман (шаҳар)ларда мазкур рақам 1 фоиз ҳам эмаслигини кўрсатмоқда...”
Батафсил
Наманганда инвестиция муҳити кенгаяди: яқин 2 йилда 19 мингдан зиёд иш ўрни яратилади 19:27 18/09/2018
{$info.title|escape:'html'}
Наманган вилоятини 2018-2019 йилларда ижтимоий-иқтисодий ривожлантириш инвестиция дастурига кўра, 503 та лойиҳа шакллантирилиб, бу хайрли ишларга 5 триллион 400 миллион сўм маблағ сарфланиши ва бунинг натижасида 19 минг 200 та янги иш ўрнини яратиш кўзда тутилган. Тўғридан-тўғри хорижий инвесторлар иштирокида эса 16 та лойиҳа амалга оширилиб, бунга 110 миллион 300 минг АҚШ доллари миқдоридаги инвестиция маблағлари йўналтирилади.
Батафсил

НАМАНГАНДА КОРЕЯ ТЕХНОПАРКИ ТАЖРИБАСИ ҚЎЛЛАНАДИ

Июль 10
11:12 2018
Корея Республикаси технопарклар ассоциацияси раиси, Кёнгбук провинцияси технопарки бош директори Жехун Ли бошчилигидаги делегация айни пайтда бизнес таклифи билан Наманган вилоятида бўлди.
Мазкур ташриф Жанубий Кореянинг инновацион сиёсат борасидаги тажрибасини ўрганиш ҳамда кичик ва ўрта бизнесни ривожлантириш соҳасида ўзаро ҳамкорликни йўлга қўйиш, кореялик ёшларнинг инновацион фаолияти ва тажрибасини наманганлик ёшларга кенгроқ тушунтириш мақсадида амалга оширилмоқда.
Делегация раҳбари Жехун Ли, Кёнгбук провинцияси технопарки корпорацияни қўллаб-қувватлаш бўлими мутахассиси Чон Са Ихен, Ёнгнам университети бизнес бошқаруви факультети профессори Алишер Дадахонов ташриф аввалида Наманган вилояти ҳокими, сенатор Хайрулло Бозоров билан учрашди.
 
 
Мулоқотда вилоят раҳбари Ўзбекистон ва Корея Республикаси ўртасидаги сиёсий-иқтисодий, савдо ва маданият, илм-фан соҳаларидаги ҳамкорлик алоқалари тобора мустаҳкамланиб бораётгани таъкидланди. Айниқса, Президент Шавкат Мирзиёевнинг 2017 йил ноябрь ойида Кореяга давлат ташрифидан кейин ҳамкорлик алоқалари сифат жиҳатидан янги даврни бошлаб берди.
- Ўзбек ва корейс халқларининг урф-одатлари ва табиатида ўхшашлик жиҳатлари жуда кўп. Шу маънода, қарашларимиз ҳам муштарак. Биз дунёнинг энг ривожланган ўнта давлати сафига кирувчи Корея Республикасининг ҳамкорликни изчил давом эттирмоқчимиз, - деди Хайрулло Бозоров.
Маълумки, шу йилнинг 21 июнь куни Ўзбекистон раҳбари раислигида ўтказилган видеоселектор йиғилишида тармоқлар ва ҳудудларда инвестиция лойиҳаларини амалга ошириш ҳолати, тўғридан-тўғри хорижий инвестицияларни жалб этиш ва ўзлаштириш натижалари таҳлил этилиб, бу борада бир қатор вазифалар белгилаб берилган эди.
- Ўзбекистон Президенти Шавкат Мирзиёевнинг давлатимизга ташрифи доирасида ўтказилган бизнес-форумда сўзлаган маърузасини шахсан эшитиб, ўзбекистонлик ишбилармонлар билан ҳамкорлик қилишда имкониятлар ошишига амин бўлгандик. Бунинг самараси сифатида, Наманган вилоятида "Hyundai" автомобилларини ишлаб чиқариш бўйича лойиҳа устида иш бошланди. Биз бундан беҳад хурсандмиз, - деди Жехун Ли.
 
 
Қайд этиш жоиз, Жанубий Кореяда ҳам йирик корхоналар эмас, балки кичик ва ўрта бизнесни қўллаб-қувватлашга алоҳида эътибор қаратилмоқда ва бунда технопарклар воситасидан самарали фойдаланилмоқда. Бугунги кунда ҳар бир провинцияда (ҳуддудда) технопарк мавжуд, уларнинг сони 18 тани ташкил этади. Энг йирик технопарк майдони 300 минг квадрат метрга тенг. Айтиш лозим, Корея технопарки тажрибаси ва лойиҳаси Колумбия, Япония, Лотин Америкаси мамлакатларида унумли татбиқ этилган.  
Учрашувда ҳам томонлар технопарклар ташкил қилишнинг ҳуқуқий ва иқтисодий асослари, ишлаб чиқариш ва техника йўналишидаги олий таълим муассасалари ҳамкорлигини йўлга қўйиш, таълим тизимида давлат ва хусусий сектор шериклиги тамойили асосида ривожланиш истиқболлари каби қатор масалалар юзасидан фикр алмашилди.
 
 
Меҳмонлар ташриф давомида Наманган шаҳридаги “Дўстлик уйи”да жойлашган вилоят корейс, рус, қирғиз, тожик миллий маданий марказлари фаолияти билан яқиндан танишдилар.  Айниқса, делегация аъзолари корейс миллий маданий марказида корейс халқи тарихи ва маданияти, урф-одат ва анъаналарини асраб-авайлаш, ёш авлодни миллий ва умуминсоний қадриятларга ҳурмат руҳида тарбиялаш йўлида яратилган шароитларга юқори баҳо беришди.
Бундан ташқари, Наманган шаҳар давлат хизматлари марказида ташкил этилган учрашувда технопарклар фаолиятини йўлга қўйишга оид Корея тажрибаси тақдимоти ўтказилди.
Ташриф доирасида делегация аъзолари Косонсой туманидаги технопарк қурилиши билан яқиндан танишишди, уларга тақдимотда лойиҳалар ҳақида маълумотлар берилди. Ўзбекистон Савдо-саноат палатаси Наманган вилояти ҳудудий бошқармасида бўлиб ўтган мулоқотда Наманган вилоятининг бизнес имкониятлари, ишбилармонлик салоҳияти, саноат корхоналари вакиллари ва тадбиркорларнинг бизнес лойиҳалари яқиндан таништирилди.
 
Оқилхон Дадабоев,
“Namnews.uz” ахборот-таҳлилий портали бош муҳаррири.
Ҳотамжон Мамадалиев олган суратлар.

Мавзуга оид

  1. «Дамас»чиларга жарималар қўлланади

    Аввал хабар берганимиздек, Наманган шаҳрида жамоат транспортини тартибга солиш юзасидан профилактик тадбирлар давом этмоқда.

    2016-09-17 20:47:071068
  1. Ҳар бир гектар майдонга 5 та янги иш ўрни: Наманган тажрибаси Ўзбекистонда бандлик муаммосини ҳал этади!

    Аҳолининг бандлиги муаммоси нақақат Ўзбекистонда, балки дунёнинг юқори ривожланган мамлакатларида

    2017-01-07 17:01:331175
  1. Наманганда “Юксак маънавиятли авлод” фестивалининг вилоят босқичи бўлиб ўтди

    Республика Маънавият тарғибот маркази, вилоят ҳокимлиги, бир қатор давлат ва жамоат ташкилотлари ҳамкорлигида ташкил этилган тадбирда Президентимиз раҳнамолигида ёшларни Ватанга муҳаббат, истиқлол ғояларига садоқат, миллий қадриятларимизга ҳурмат руҳида тарбиялаш, юртимиз тараққиёти ва халқимиз фаровонлиги йўлидаги эзгу ишларга рағбатлантириш, уларда дахлдорлик, бунёдкорлик, келажакка ишонч туйғуларини мустаҳкамлаш борасида кенг кўламли ишлар амалга оширилаётгани таъкидланди. 

    2016-05-28 20:57:101218
  1. Ўзбекистонда Корея маданияти фестивали бўлиб ўтади

    Фестивал Тошкент, Самарқанд ва Бухоро шаҳарларида ўтказилади. Байрам меҳмонлари бадиий фильмларни томоша қилишлари, корейс мусиқа жамоаларининг ижоди билан танишишлари мумкин бўлади.

    2016-10-03 19:24:02858

 

    

Энг кўп ўқилганлар

Календарь

Боғланиш

Алоқа

Телефон: +998 93 406 05 05   
+998 90 988 54 77
Email: namnews@mail.ru

Реклама бўлими: +998 90 988 54 77, +998 93 406 48 40

Бизни кузатинг:

Facebook'даги саҳифамиз: facebook.com/namnews.uzbekistan

Twitter'даги саҳифамиз: twitter.com/namnews.uz