NAMNEWS.UZ—Маънавий-маърифий,ижтимоий-сиёсий,ахборот

 Қисқа сатрларда
Иш ҳақидан ушланадиган даромад солиғи соддалашади(ми?) 20:45 18/12/2018
{$info.title|escape:'html'}
Солиқ тизимини соддалаштириш борасида киритилган қулай ўзгаришларга кўра, 2019 йил 1 январдан эътиборан жисмоний шахслар даромад солиғининг 12 фоизлик ягона ставкаси, 12 фоизлик ягона ижтимоий тўлов ставкаси жорий этилади. Пенсия жамғармасига суғурта бадаллари бекор қилинади.
Батафсил
Ёшлар иттифоқи менга умид ва ишонч берди 20:05 18/12/2018
{$info.title|escape:'html'}
Ўзбекистон ёшлар иттифоқи Наманган вилояти кенгашининг рамзий сертификати республика Олий ва ўрта махсус таълим вазирлигига, олий таълим муассасаларининг кундузги таълимида тўлов-шартнома асосида таҳсил олаётган чин етим, ногирон, ота-онаси ота-оналик ҳуқуқидан маҳрум этилган ва Меҳрибонлик уйида тарбияланган 7 нафар талабага талим гранти сертификати ҳамда эсдалик совғалари топширилди.
Батафсил
Зафар Мусабоев ва "Нефтчи" яна чемпион! 18:08 18/12/2018
{$info.title|escape:'html'}
Мусобақалар давомида рақиблар дарвозасига 25 та гол урган «Нефтчи» жамоаси ҳужумчиси Раҳматулло Қаҳҳоров мавсум тўпурари деган номга эга чиқди. Зафар Мусобоев бошчилигидаги "Нефтчи" футболчилари қаторасига иккинчи бор ғолиблик шоҳсупасига кўтарилди.
Батафсил
Европа чемпионлар лигаси қуръаси: Нимчорак финалда кимлар ўйнайди? 20:42 17/12/2018
{$info.title|escape:'html'}

Бугун (2018 йил, 17 декабрь куни) Швейцариянинг Ньон шаҳрида Европа чемпионлар лигасининг нимчоракфинал босқичига қуръа ташлаш маросими ўтказилди.

Батафсил
Оила – жамият таянчи, саодат қасридир! 19:46 17/12/2018
{$info.title|escape:'html'}

Ислом дини ўз аёлига яхши муносабатда бўлган эркак кишини инсонларнинг энг яхшилари қаторига қўшади. Шу билан биргаликда оила раҳбари бўлмиш эр ўз аёлининг баъзи бир камчиликларига кўз юмишга буюриб, оилани бардавом бўлишини кўзлаб, уларга панду насиҳат қилишни тавсия қилади. 

 

 
Батафсил

Олимпиада совриндори Бектемир Мелиқўзиев темирчилар сулоласидан

Декабрь 30
11:25 2017

Наманган Давлат унверситетида Рио де Жанейрода ўтказилган XXXI ёзги олимпиада ўйинлари кумуш медали совриндори, Жаҳон чемпиони Бектемир Мелиқўзиев билан учрашув бўлиб ўтди. Бундай учрашувларнинг ташкил этилиши талаба ёшлар тарбияси учун катта аҳамият касб этади. Спортчининг фаолияти, унинг эришган ютуқлари ҳамда мамлакатимиз боксчиларининг дунёда етакчи ўринларни эгаллаганлиги юртимизда спортга бўлган эътиборнинг самарасидир. Фурсатдан фойдаланиб, биз  Бектемир Мелиқўзиевни суҳбатга тортдик.

-  Бектемир, сизнинг кўпроқ рингдаги баҳсларингизни кузатиб ўрганганмиз...
-  Албатта, боксда ўзим орзу қилганимдек, жуда катта ютуқларга эришдим. Фарғона вилояти Фурқат туманидаги 20-умумтаълим мактабида ўқиб юрган кезларимдаёқ спортга меҳр қўйганман. Дадам устозим Маъруфжон Аҳмедовга бошлаб борганларида боксчи бўлиш орзуим янада ошган. Аввало, тинимсиз меҳнат, машқлар, қатъий интизом асосида шуғулландим. Илк мусобақада Қўқон шаҳрида қатнашганман. Ўшанда 38 килограмм вазн тоифасида рингга чиқардим. Кейинчалик 2011-йилда Ўзбекистон терма жамоаси аъзоси бўлдим. Бугунги кунда ҳам ўз устимда мунтазам ишлаяпман.
- Биламиз спортчини деярли бўш вақти бўлмайди, шундай бўлсада айрим кунларда бўш вақтингизни қандай ўтказасиз?
- Турли йиғинлар, терма жамоа билан сафарлардан қайтгач уйда, темирчилик устахонасида вақт ўтказишни одат қилганман. Ота-боболарим темирчи бўлишган. Жуда моҳир уста-ҳунармандларнинг еттинчи авлоди эканимдан доимо фахрланаман. Бу ҳунар билан оиламизнинг барча аъзолари шуғулланишади. Мен ҳам бундан  истисно эмасман. Аксинча, темирчиликка бўлган ҳавасим ҳамманикидан юқорироқ бўлса керак. Умуман, оила аъзоларим барча ютуқларимда муҳим ўрин эгаллашади. Доимо қўллаб-қувватлаб туришади, маслаҳат беришади. Шу боис комил инсон тарбиясида, аввало, оиланинг аҳамияти беқиёс деб ўйлайман. Оиладаги анъаналарни давом эттириш эса бизнинг фарзандлик бурчимиз. Отам Бектемир деб исм қўйганда «Темирчиларнинг беги, моҳир уста бўлсин», деб ният қилган эканлар. Бу ҳунарни пухта эгаллаганимдан хурсандман. Қишлоғимиздаги устахонада ўроқ, болта, отлар учун тақа тайёрлаш билан шуғулланиб тураман. Бу бўш вақтимга мазмун бағишлайди.
- Терма жамоадаги дўстларингиз сизнинг моҳир ҳунарманд эканингизга ҳавас қилишса керак?
- Албатта, бу ҳақда йиғинлар вақтидаги ўзаро суҳбатларда гаплашамиз. Чунки ҳамма ҳам нимагадир қизиқади. Терма жамоадаги дўстларимдан бири, Олимпия ўйинларининг бронза медали соҳиби, чустлик Муроджон Аҳмадалиев футбол ўйнашни хуш кўради. Пазандаликдан хабари бор. Бу билан айтмоқчиманки, ҳар бир спортчи ўз соҳасида етукликка интилиш баробарида бирор бир ҳунар ёки ишни яхши бажара олишга талпиниши зарур. Ахир халқимиз «Йигит кишига қирқ ҳунар оз» деб бежиз айтмаган.
       Суҳбатдошимизнинг  бу фикрлари яъни, ғалабаларининг сабабини тинимсиз машғулотлар билан бирга ота-онаси, устозлари, ватандошлари ва мухлислари билан боғлаши ундаги инсонийлик хислатларининг нечоғлик юқори эканлигини кўрсатиб берди. Бу эса олимпия маданияти, олимпизм ғояларининг спортчиларга кўрсатаётган ижобий таъсирларини намойиши десак асло муболаға бўлмайди. Яна савол беришга ошиқаман.

- Сизнинг ғалабаларингиз кўпроқ нимага боғлиқ?

-  Ҳар бир жанг учун рингга чиқар эканман, у ерда бир ўзим эмас, бутун бир халқ билан бирга турганлигимни ҳис этаман, шу захоти билакларимга шу халқимнинг кучи жам бўлади!

Бектемир университетимиздаги тенгдош спортчи ва талабаларга ўз тажрибаларини улашиш билан бирга, уларнинг спорт фаолиятида улкан муваффақиятлар тилаб, кириб келаётган янги йил билан иштирокчиларни қутлади. Ўтказилаётган мана шундай тадбирлар олимпия таълими, маданиятини, ғояларини бир сўз билан айтганда Ўзбекистонда олимпиада ҳаракатини ривожлантириш, янги “олимпионик”ларни кашф этишда муҳим аҳамиятга эга бўлади.

 

Суҳбатни   НамДУ ўқитувчиси
Абдулазиз Ҳамиджонов олиб борди. 

Мавзуга оид

  1. Рио-2016. Бектемир Мелиқўзиев финалда, Муроджон Аҳмадалиев эса бронза медали совриндори
    Бразилиянинг Рио-де-Жанейро шаҳрида давом этаётган XXXI ёзги Олимпия ўйинларининг бокс бўйича ўтказилаётган мусобақаларида бугун яна бир спортчимиз ҳал қилувчи финал баҳсида олтин медаллар учун курашиш хуқуқини қўлга киритди.
    2016-08-19 07:54:19805
  1. Олимпиада машъаласини ким ёқади, Пелеми?

    Бразилиялик афсонавий футболчи Пеле Рио-2016 машъаласини мусобақанинг тантанали очилиш маросимида ёқиши мумкин.

    2016-07-25 13:55:151030

 

    

Энг кўп ўқилганлар

Календарь

Боғланиш

Алоқа

Телефон: +998 93 406 05 05   
+998 90 988 54 77
Email: namnews@mail.ru

Реклама бўлими: +998 90 988 54 77, +998 93 406 48 40

Бизни кузатинг:

Facebook'даги саҳифамиз: facebook.com/namnews.uzbekistan

Twitter'даги саҳифамиз: twitter.com/namnews.uz