NAMNEWS.UZ—Маънавий-маърифий,ижтимоий-сиёсий,ахборот

 Қисқа сатрларда
Республика ишчи гуруҳи ўрганаётган Янгиқўрғонда юз берган жанжал ўлим билан тугади 19:56 17/08/2018
{$info.title|escape:'html'}

Республика ишчи гуруҳи муаммоларни ўрганиш ва уни бартараф этиш бўйича қизғин фаолият олиб бораётган бир кезда Янгиқўрғон туманида икки маҳалладош иштирокида юз берган кўнгилсиз ҳодиса ўлим билан якун топди. 

Батафсил
Наманганда порахўр ички ишлар ходими қўлга тушди 18:37 17/08/2018
{$info.title|escape:'html'}
Ички ишлар мулозими Ғолибжон Ўринбоев М. ни жиноий жавобгарликка тортмаслик ва “Cobalt” автомашинасини жарима майдончасидан чиқариб бериш эвазига унинг укаси Б. дан 1 минг АҚШ долларини пора сифатида беришини талаб қилган. Бу далилий факт ўтказилган тезкор тадбир давомида ўз тасдиғини топган.
Батафсил
Тожикистон раҳбари Шавкат Мирзиёевга нодир китоб совға қилди 17:46 17/08/2018
{$info.title|escape:'html'}
“Чашмаи Хирад” китобида ўзбек адабиётига улкан ҳисса қўшган буюк мутафаккир, шеърият мулкининг султони ҳазрат Алишер Навоийнинг тожик тилига таржима қилинган асарлари тўпланган.
Батафсил
Ўзбекистон ва Тожикистон: стратегик шериклик тўғрисидаги шартнома имзоланди 17:09 17/08/2018
{$info.title|escape:'html'}
“Ўзбекистон ва Тожикистон муносабатларидаги катта ўзгаришлар ҳақида кўп гапириш мумкин. Лекин энг муҳим ютуқ – амалий ишларимиз миллионлаб одамларга наф келтираётгани, уларнинг қалбида илиқлик уйғотаётганидир. Биз бундан буён ҳам халқларимиз дўстлигининг бузилмас кўпригини ҳар томонлама мустаҳкамлашга ҳаракат қиламиз”, - деди Шавкат Мирзиёев. 
Батафсил
Наманганда мудҳиш оилавий жанжал: Ота ўз ўғлини ўлдириб қўйди 16:25 17/08/2018
{$info.title|escape:'html'}

Шу йилнинг 14 август куни соат 19:00ларда Наманган шаҳридаги Бунёдкор маҳалласида яшовчи фуқаро Б. Ж. маиший жанжал давомида ўғли А. Ж. нинг чап оёғига ошхона пичоғи билан уриб, тан жароҳати етказган. Бунинг оқибатида тан жароҳатини олган А.Ж. шифохонада вафот этган.

Батафсил

Попда эко парк қурадиган тадбиркор нималарни ўйламоқда?

Май 07
18:38 2018

Ўзбекистон Миллий ахборот агентлиги расмий веб сайтида Наманган вилоятининг Поп туманида замонавий савдо мажмуаси ва "Pop eco park" лойиҳасини амалга ошириш устида иш олиб бораётган тадбиркор Сардор Раҳмоновнинг ўй-фикрлари битилган мақола эълон қилинди. Президентимизнинг 2,3-май кунлари Наманган вилоятига ташрифи чоғида давлатимиз раҳбарига ўз лойиҳасини тақдим этган бизнесмен мақоласида қуйидаги фикрларини баён этади:

"- Президентимиз Шавкат Мирзиёев ўтган йили ёшлар билан учрашганида “Ўзбекистонимизнинг ёруғ ва фаровон истиқболини бунёд этишдек масъулиятли вазифани ким ўз зиммасига олади?” деган саволни ўртага ташлаганди. Ва бу саволга жавобан ўзлари шундай деган эди: “Албатта, фақат замонавий билим ва касб-ҳунарларни пухта эгаллаган, мустақил фикрлайдиган, доимо эл-юрт тақдирига дахлдорлик туйғуси билан яшайдиган сиз, азиз ёшларимиз майдонга дадил чиқиб, бугунги кунда ҳаётнинг ўзи олдимизга қўяётган вазифаларни ҳал этишга қодирсиз”.

Бундай юксак ишонч биз ёшларга жуда катта рағбат, ўз навбатида, юксак масъулият юклади. Шундан бери эътибор бериб қаралса, бунёдкорлик ишларига бел боғлаган ёш тадбиркорлар сафи кенгайди.

Менинг тадбиркорликка қўл уришимга ҳам ана шу даъват сабаб бўлди. Айнан халқимиз манфаатига хизмат қиладиган лойиҳалар устида ишлаб, уларни амалга ошириш учун инвесторларни жалб қилишга ҳаракат қилдим. Бунда, албатта, ўқиш жараёнида бир неча хорижий тилларни, жумладан, рус, инглиз, турк тилларини мукаммал эгаллаганим катта ёрдам берди.

Айни пайтда Наманган вилоятининг Поп тумани марказида замонавий савдо мажмуаси ва "Pop eco park" лойиҳасини амалга ошириш устида иш олиб бормоқдаман. Президентимиз Шавкат Мирзиёев Наманган вилоятига ташрифи доирасида мазкур лойиҳалар билан ҳам яқиндан танишди.

Бу жараён мен учун жуда ҳаяжонли кечди. Давлат раҳбарининг ёш тадбиркорларга эътибор қаратиб, бизни эшитганлари, йўлимизда қандай тўсиқ ва муаммо бўлса олиб ташлашга тайёр экани, қўллаб-қувватлашлари жуда катта воқелик бўлди. Биргина бизга болам, деб мурожаат этишлари замиридаги меҳр ва ишончни таърифлашга сўз ожиз.

Энди мазкур лойиҳалар ҳақида тўхталиб ўтсам. Қиймати 25 миллиард сўм бўлган лойиҳа 15 гектар майдонни эгаллайдиган очиқ ва ёпиқ мавдо мажмуаси, ишлаб чиқариш цехлари ҳамда сунъий ҳовуз, ландшафт дизайни асосида бунёд этиладиган экопаркни ўзи ичига олади.

Айтиб ўтиш керакки, лойиҳани тайёрлашда Поп тумани аҳолиси учун буюм бозори, аҳоли учун замонавий дам олиш маскани йўқлиги инобатга олинган. Эътиборли жиҳати, мажмуа замонавий қуёш батареялари асосида электр энергияси билан таъминланиши кўзда тутилган.

Президентимиз ташрифидан сўнг лойиҳани амалда бунёд этишга киришдик. Мажмуа ишга тушиши билан юзлаб одамлар ишли бўлади.

Бундан ташқари, пойтахтимизнинг Юнусобод туманида “Биллур” болалар боғини россиялик инвесторлар билан ҳамкорликда бунёд этмоқдамиз. Бу ерга Хитойдан энг замонавий аттракционлар олиб келиб ўрнатилади. Яна бир ниятим – Зангиота туманида композит арматура (таркиби шиша толали) ва бошқа шу каби зарур жиҳозлар тайёрлашга мўлжалланган ишлаб чиқариш мажмуаси бунёд этиш. Замонавий, аҳоли учун фойдали бўлган бу истиқболли лойиҳамиз ҳам тайёр. Уни амалга ошириш учун бир неча хорижий инвестор билан келишувга эришганман. Бироқ уни қуриш учун ер майдони керак. Ҳукумат қарори асосида Зангиота туманини ижтимоий-иқтисодий ривожлантиришга оид дастурга киритилган ушбу лойиҳани амалга оширишга йўл очилса, янада яхши бўларди.

Бир сўз билан айтганда, мақсадим Ўзбекистонимизнинг ёруғ ва фаровон истиқболини бунёд этишга ҳисса қўшиш, шу мақсад йўлида тиниб-тинчимаётган Президентимизга елкадош бўлишдир."

Мавзуга оид

  1. Тадбиркор қизлар

    Наманганда ўтказилган “Тадбиркор қизнинг энг яхши лойиҳаси” танловининг вилоят босқичида уч йўналиш бўйича 36 ёш тадбиркор иштирок этди. 

    2016-07-23 14:17:511022
  1. Наманган: Попда ичимлик суви таъминоти яхшиланмоқда

    Ушбу ишлар амалга ошгач 11 та МФЙнинг 30464 кишилик аҳолиси ичимлик суви билан узлуксиз таъминланади. 5880 та хонадонга сув киради. Наманган вилоят “Қишлоқичимликсувтаъминот” МЧЖ раҳбари, тадбиркор Олимжон Шариповнинг айтишича ишни сифатли ва тезкор бажариш асосий вазифа қилиб белгиланган.

    2017-12-30 14:18:251228
  1. 40 йиллик тарихга эга бўлган "Навбаҳор" ҳақида нималарни биласиз?

    1992 йилдан эътиборан Ўзбекистон миллий чемпионати мусобақалари ўтказиб келинмоқда. «Навбаҳор» ўшандан буён олий лига баҳсларида мунтазам равишда қатнашиб келмоқда. Таъкидлаш жоиз, “Лочинлар” чемпионатда мунтазам иштирокчиси саналган кам сонли учта жамоасидан бири ҳисобланади.

    2018-04-29 13:20:05514

 

    

Энг кўп ўқилганлар

Календарь

Боғланиш

Алоқа

Телефон: +998 93 406 05 05   
+998 90 988 54 77
Email: namnews@mail.ru

Реклама бўлими: +998 90 988 54 77, +998 93 406 48 40

Бизни кузатинг:

Facebook'даги саҳифамиз: facebook.com/namnews.uzbekistan

Twitter'даги саҳифамиз: twitter.com/namnews.uz