NAMNEWS.UZ—Маънавий-маърифий,ижтимоий-сиёсий,ахборот

 Қисқа сатрларда
Иш ҳақидан ушланадиган даромад солиғи соддалашади(ми?) 20:45 18/12/2018
{$info.title|escape:'html'}
Солиқ тизимини соддалаштириш борасида киритилган қулай ўзгаришларга кўра, 2019 йил 1 январдан эътиборан жисмоний шахслар даромад солиғининг 12 фоизлик ягона ставкаси, 12 фоизлик ягона ижтимоий тўлов ставкаси жорий этилади. Пенсия жамғармасига суғурта бадаллари бекор қилинади.
Батафсил
Ёшлар иттифоқи менга умид ва ишонч берди 20:05 18/12/2018
{$info.title|escape:'html'}
Ўзбекистон ёшлар иттифоқи Наманган вилояти кенгашининг рамзий сертификати республика Олий ва ўрта махсус таълим вазирлигига, олий таълим муассасаларининг кундузги таълимида тўлов-шартнома асосида таҳсил олаётган чин етим, ногирон, ота-онаси ота-оналик ҳуқуқидан маҳрум этилган ва Меҳрибонлик уйида тарбияланган 7 нафар талабага талим гранти сертификати ҳамда эсдалик совғалари топширилди.
Батафсил
Зафар Мусабоев ва "Нефтчи" яна чемпион! 18:08 18/12/2018
{$info.title|escape:'html'}
Мусобақалар давомида рақиблар дарвозасига 25 та гол урган «Нефтчи» жамоаси ҳужумчиси Раҳматулло Қаҳҳоров мавсум тўпурари деган номга эга чиқди. Зафар Мусобоев бошчилигидаги "Нефтчи" футболчилари қаторасига иккинчи бор ғолиблик шоҳсупасига кўтарилди.
Батафсил
Европа чемпионлар лигаси қуръаси: Нимчорак финалда кимлар ўйнайди? 20:42 17/12/2018
{$info.title|escape:'html'}

Бугун (2018 йил, 17 декабрь куни) Швейцариянинг Ньон шаҳрида Европа чемпионлар лигасининг нимчоракфинал босқичига қуръа ташлаш маросими ўтказилди.

Батафсил
Оила – жамият таянчи, саодат қасридир! 19:46 17/12/2018
{$info.title|escape:'html'}

Ислом дини ўз аёлига яхши муносабатда бўлган эркак кишини инсонларнинг энг яхшилари қаторига қўшади. Шу билан биргаликда оила раҳбари бўлмиш эр ўз аёлининг баъзи бир камчиликларига кўз юмишга буюриб, оилани бардавом бўлишини кўзлаб, уларга панду насиҳат қилишни тавсия қилади. 

 

 
Батафсил

ТАДБИРКОРЛИКНИНГ ЖАДАЛ РАВНАҚИ ЙЎЛИДА

Октябрь 18
12:50 2016

 Истиқлол йилларида давлатимизнинг биринчи Президенти Ислом Каримов раҳнамолигида амалга оширилган ҳаётбахш ислоҳотлар натижасида кичик бизнес ва хусусий тадбиркорлик соҳаси мамлакат иқтисодиётининг чинакам таянчига айланди. Бугунги тадбиркор бундан чорак аср аввалги ҳамкасбидан тубдан фарқ қилади, унинг онгу тафаккури ўсган, давлат томонидан яратиб берилган имтиёз ва имкониятлардан унумли фойдаланиб, ўз бизнесини равон йўлга қўйиб олган.

     Буни биргина Наманган вилояти мисолида олиб қарайдиган бўлсак, соҳа вакиллари қанчалар илгарилаб кетганликлари кўзга ташланади. Собиқ тузум даврида ўзи тиккан кийим-кечаги ёки пойабзалини савдога чиқаришга ҳадиксираган ҳунармандлар айни пайтда тайёрлаётган маҳсулотларини нафақат ички бозорга туҳфа этишяпти, балки хорижга экспорт қилмоқдалар. Худудда яратилган қулай ишбилармонлик муҳити натижасида ишлаб чиқариш ва хизмат кўрсатиш жабҳаларида нодавлат субъектларининг салмоғи кескин ортди. Буни, жумладан, айни пайтда вилоятда фаолият юритаётган кичик бизнес ва хусусий тадбиркорлик субъектларининг сони 15,5 мингтадан ортиб, улар ялпи худудий маҳсулотнинг қарийб 80 фоизини ишлаб чиқараётганликларида яққол кўриш мумкин. Айни кўрсаткичлар замирида юртимизда тадбиркорлик соҳаси ривожи йўлида узоқни кўзлаб амалга оширилаётган кенг кўламли тадбирлар, биринчи навбатда, ушбу йўналишда қабул қилинган Қонун ва қонуности хужжатлари, ҳуқуқий кафолотлар турганлигини сезиб олиш қийин эмас. Муҳим жиҳати, тадбиркорлик ҳимояси, уни ривожлантириш билан боғлиқ саъй-ҳаракатлар изчил давом эттирилмоқда.

    Айтиш лозимки, Ўзбекистон Республикаси Президентининг куни кеча матбуотда эълон қилинган "Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар тўғрисида"ги Фармони бу борада қўйилган яна бир дадил қадам бўлди. Унда белгиланган вазифалар, энг аввало, хусусий мулкни ҳуқуқий ҳимоя қилишни янада кучайтириш, кичик бизнес ва хусусий тадбиркорлик учун қулай шарт-шароитлар яратишга ва соҳани ҳар томонлама қўллаб-қувватлашга, пировардида, республиканинг инвестициявий жозибадорлигини оширишга йўналтирилганлиги билан алоҳида аҳамият касб этади.

   Маълумки, хусусий тадбиркорлик эркин фаолиятга асосланган тизим сифатида жадал ривож топади. Шундан келиб чиқиб, бу фаолиятни кафолотли ҳимоя қилишга ҳамиша энг муҳим вазифа сифатида эътибор қаратиб келиняпти. Бу, жумладан, янги Фармонда ҳам ўз аксини топган. Унда қайд этилганидек, “кичик бизнес ва хусусий тадбиркорликка кенг эркинлик бериш, уларнинг фаолиятига аралашувни тубдан қисқартиш, ҳуқуқбузарликларнинг барвақт олди олинишини таъминлаш, уларнинг профилактикаси самарадорлигини ошириш ва ҳуқуқбузарликларга йўл қўйилмаслик"ни устувор йўналиш ва давлат органларининг биринчи даражали вазифаси сифатида мустаҳкамлайди. Дарҳақиқат, ҳар қандай текширув ёки фаолиятга аралашув аниқ мақсадни кўзлаб иш олиб бораётган табиркорнинг кайфиятига салбий таъсир кўрсатибгина қолмай, унинг шижоатини сўндиради, бу билан олдинда турган режалар ижросига путур етади.

    Энди бундай холатлар рўй беришига асло йўл қўйилмайди. Чунки, Фармонда кўрсатиб ўтилган чора-тадбирларнинг амалга оширилиши ноқонуний текширишларни ташкил этишга ва уларни ўтказишга, айниқса, давлат органлари ходимларининг ноқонуний хатти-ҳаракатлари оқибатида тадбиркорлик субъектларининг фаолияти асоссиз тўхтатилишига ва зарар етказилишига йўл қўймасликнинг мустаҳкам кафолотини яратади. Фармонда таъкидланганидек, эндиликда тадбиркорлик субъектлари фаолиятига асоссиз аралашишдан ишончли ҳуқуқий кафолатларни таъминлашга йўналтирилган давлат назоратининг принципиал жиҳатдан янги бир қатор механизмлари белгиланмоқда. Жумладан, 2017 йилнинг 1 январидан бошлаб қуйидаги илгари кўрилмаган чоралар жорий этилади: тадбиркорлик субъектлари фаолиятини режадан ташқари текширишларнинг барча турлари бекор қилинади, бундан юридик шахснинг тугатилиши билан боғлиқ текширишлар, шунингдек, жисмоний ва юридик шахсларнинг қонун ҳужжатлари бузилиши ҳолатлари тўғрисидаги мурожаатлари асосида фақатгина Назорат қилувчи органлар фаолиятини мувофиқлаштирувчи Республика кенгашининг қарорига мувофиқ ўтказиладиган қисқа муддатли текширувлар мустасно;

шунингдек, тадбиркорлик субъектлари фаолиятини, шу жумладан, жиноят ишлари доирасидаги муқобил текширишларнинг барча турлари бекор қилинади. Шундай қилиб, назорат қилувчи органлар эндиликда режадан ташқари текширишлар ўтказишни ташкил қилиш ҳуқуқига эга эмас. Бунда фуқароларнинг ҳуқуқлари ва манфаатларини ҳимоя қилишнинг ҳуқуқий механизмларини таъминлаш мақсадида фақат жисмоний ва юридик шахсларнинг қонун ҳужжатлари бузилиши ҳолатлари тўғрисидаги мурожаатлари асосида қисқа муддатли текширишлар ўтказишнинг чекланган имконияти сақланиб қолади.

Шу билан бирга, Фармон маъмурий ва жиноят қонунчилигини либераллаштириш йўлини давом эттириб, молия-хўжалик фаолиятини амалга оширишда биринчи марта ҳуқуқбузарликлар содир этган тадбиркорлик субъектлари ва уларнинг ходимларини ҳамда тадбиркорлик фаолиятини давлат рўйхатидан ўтказмасдан амалга ошираётган шахсларни, улар томонидан етказилган зарарни қоплаган ва ҳуқуқбузилиши оқибатларини белгиланган муддатларда ихтиёрий бартараф этган тақдирда, жавобгарликнинг барча турларидан озод қилиш каби тубдан янги чораларни назарда тутади.Бундан ташқари, тадбиркорлик субъектларига нисбатан тадбиркорлик фаолиятини амалга ошириш ҳуқуқидан маҳрум қилиш тарзидаги жиноий жазо қўллаш тақиқланган. Кўрсатиб ўтилган нормалар тадбиркорлик субъектларини икки марта жазолашни истисно этибгина қолмай, балки биринчи марта ҳуқуқбузарликни содир этган ва ўз айбини ювган фуқароларга ўзининг тадбиркорлик фаолиятини салбий оқибатларсиз давом эттириш имконини беради, бу чора уларнинг ишбилармонлик фаоллигини рағбатлантиришга ҳам йўналтирилган.

      Шу муносабат билан Жиноят кодексига, Маъмурий жавобгарлик тўғрисидаги кодексга, Солиқ кодексига ва бир қанча бошқа қонунларга тегишли ўзгартириш ва қўшимчалар киритилади. Бундан ташқари илғор хорижий тажрибани инобатга олган ҳолда тадбиркорлик фаолияти билан боғлиқ техник талаблар, махсус норматив хужжатларни, самарасиз,эскирган ва бозор механизмларининг ўрнини эгаллаб олган бир қатор нормаларни бекор қилиш юзасидан танқидий қайта кўриб чиқиш вазифалари назарда тутилганки, буларнинг барчаси давлатнинг тадбиркорлик соҳасидаги сиёсатини сифат жиҳатидан янги даражага кўтарилишига хизмат қилади.

                                                                           Солижон МЎМИНОВ,

                                               Ўзбекистон Республикаси Олий Мажлиси Сенати аъзоси.

 

Мавзуга оид

  1. Сиёсатга хиёнат ёҳуд Ўзбекистоннинг иқтисодий равнақи учун таълимнинг устувор ўрни

    Жаҳоннинг 1000 университети рўйхатида Қозоғистоннинг 8 университети киритилган, ва уларнинг тўрттаси ҳатто энг юқори 500 университет сафига қўшилган. Афсуски, бу рўйхатда бизнинг университетларнинг бирортаси ҳам киритилмаган. Сўнги 70 йил давомида ҳалокатли зиддият ва урушдан азият чекаётган Фаластин Давлатининг битта университети жаҳоннинг энг яхши 1000 университети қаторида. Университетлар ректорлари бундай натижаларни қандай шарҳлай олар эканлар?

    2018-06-27 18:28:156104
  1. Аҳоли саломатлиги йўлида

    Ўзбекистон Республикаси Соғлиқни сақлаш вазирлиги томонидан ўтказилаётган патронаж ойлиги тадбирлари Наманган вилоятида ҳам юксак савияда ташкил этилмоқда. 

    2016-07-13 07:49:211193

 

    

Энг кўп ўқилганлар

Календарь

Боғланиш

Алоқа

Телефон: +998 93 406 05 05   
+998 90 988 54 77
Email: namnews@mail.ru

Реклама бўлими: +998 90 988 54 77, +998 93 406 48 40

Бизни кузатинг:

Facebook'даги саҳифамиз: facebook.com/namnews.uzbekistan

Twitter'даги саҳифамиз: twitter.com/namnews.uz