NAMNEWS.UZ—Маънавий-маърифий,ижтимоий-сиёсий,ахборот

 Қисқа сатрларда
Наманганда инвестиция муҳити кенгаяди: яқин 2 йилда 19 мингдан зиёд иш ўрни яратилади 19:27 18/09/2018
{$info.title|escape:'html'}
Наманган вилоятини 2018-2019 йилларда ижтимоий-иқтисодий ривожлантириш инвестиция дастурига кўра, 503 та лойиҳа шакллантирилиб, бу хайрли ишларга 5 триллион 400 миллион сўм маблағ сарфланиши ва бунинг натижасида 19 минг 200 та янги иш ўрнини яратиш кўзда тутилган. Тўғридан-тўғри хорижий инвесторлар иштирокида эса 16 та лойиҳа амалга оширилиб, бунга 110 миллион 300 минг АҚШ доллари миқдоридаги инвестиция маблағлари йўналтирилади.
Батафсил
Наманган вилояти ҳокимлиги "Очиқлик индекси"да етакчи бўлди 15:36 18/09/2018
{$info.title|escape:'html'}
“Очиқлик индекси” рейтингида ҳокимиятлар миқёсида Наманган вилояти ҳокимлиги умумий ҳисобда Тошкент шаҳри ҳокимлигидан (72,07 балл) сўнг иккинчи, вилоятлар ўртасида эса 65,82 балл билан фахрли 1-ўринни эгаллади.
 
Батафсил
Шота Арвеладзе Намангандаги стадионни нега танқид қилди? 12:25 18/09/2018
{$info.title|escape:'html'}
- “Навбаҳор” жамоаси ўз ўйини кучайтириши, умуман, ўзбек футболи ривожланиши учун аввало, майдонларни яхшилаш керак. Чунки футболни майдонда ўйналади, - деди "Пахтакор" клуби бош мураббийси Шота Арваладзе.
Батафсил
"Миллий тикланиш" партияси Чортоқнинг олис ҳудудида аҳоли муаммоларини ҳал этмоқда 11:56 18/09/2018
{$info.title|escape:'html'}
Партия томонидан аҳоли хонадонларида амалга оширилаётган “Уйма-уй” лойиҳасида ҳамда жойларда депутатлар иштирокида ўтказиб келинаётган “Сайёр қабул”лар давомида фуқаролардан келиб тушаётган мурожаатларни ижобий ҳал этишга алоҳида эътибор берилмоқда.
Батафсил
Билдириш эълонлари 11:38 18/09/2018
Батафсил

Устоз журналист Ғуломжон Акбаровни хотирлаб: Меҳрибон мураббий ва насиҳатгўй эди

Июнь 23
20:40 2018
Наманган вилояти матбуоти оғир жудоликка учради. Ажойиб ва самимий инсон, меҳнат фахрийси, Ўзбекистон Республикасида хизмат кўрсатган журналист Ғуломжон Акбаров 78 ёшида вафот этди.
Ғуломжон Акбаров 1940 йилда Норин туманидаги Норинкапа қишлоғида туғилган. Ўрта мактабни битиргач, Андижондаги 10-ҳунар-техника мактабида ўқиди. Сўнгра Намангандаги таъмирлаш заводида қолипловчи бўлиб ишлади. Айни шу пайтдан эътиборан ишчи-қишлоқ мухбири сифатида матбуотда қатнаша бошлади. Уни 1961 йили «Наманган ҳақиқати» таҳририятига ишга таклиф этишди. У 1962-1968 йилларда Андижон вилояти газетаси таҳририятида фаолият олиб борди. Ишлаш билан бирга Наманган Давлат педагогика институтининг ўзбек тили ва адабиёти факультетини битирди.
Бу орада Ғуломжон Акбаров изланувчан, иқтидорли журналист сифатида жамоада, ҳамкасблари орасида катта обрў-эътибор қозонди. Унинг Ғулом Акбарий имзоси остида ибратли кишилар ҳаёти, меҳнати, кундалик турмушдаги муаммолар қаламга олинган мақола, лавҳа, очерклари, публицистик мақолалари газетхонларга манзур бўлди. 
Ғуломжон Акбаров 1982 йилда Тошкент Олий партия мактабини битириб қайтгач, бир неча муддат Тўрақўрғон тумани «Машъал» газетасида, вилоят радиосида ишлади. «Наманган ҳақиқати» вилоят газетасига масъул котиб вазифасига ишга келди. Устоз журналист таҳририятдаги фаолияти билан бир қатор бадиий ижод билан ҳам фаол шуғулланди. Унинг турли йилларда нашр этилган «Ҳаёт кўзгусида», «Ёқимли овоз» ва «Қалб садоси» тўпламлари китобхонларнинг севимли асарларига айланган. Устоз журналист ўнлаб ёшларнинг меҳрибон мураббийси, доимий ғамхўри, насиҳатгўйи эди. 
Ғуломжон Акбаровнинг жамоат ишларидаги фаол иштироки, иқтисодий-ижтимоий ислоҳотларга қўшган катта ҳиссаси учун унга 1993 йилда Биринчи Президентимиз Фармони билан «Ўзбекистон Республикасида хизмат кўрсатган журналист» фахрий унвони берилган эди.
Камтарин ва ғамхўр инсон, ҳамкасб биродаримиз Ғуломжон Акбаровнинг порлоқ хотираси қалбларимизда доим яшайди.
 
“Наманган ҳақиқати” газетаси таҳририяти жамоаси.
 
“Namnews.uz” ахборот-таҳлилий портали бош муҳаррири Оқилхон Дадабоев хотирасидан:
Ўзбекистонда хизмат кўрсатган журналист, жонкуяр Устоз, моҳир ижодкор Ғуломжон ака Акбаровнинг вафоти муносабати билан раҳматли Устознинг яқинларига чуқур ҳамдардлик изҳор этамиз. Камина 2013-2016 йилларда Наманган вилояти ҳокимлигининг “Наманган ҳақиқати” таҳририятида мухбир сифатида айнан Устозимиз қалам тебратган хизмат хонасида иш фаолиятимни олиб борганимни узоқ вақтгача ёрқин хотиралар ила ёдимда сақлайман. Боиси, Устоз мени вилоят газетасида иш бошлаган дастлабки кезларда шу хонада ўтириб дуо қилган эдилар. Илоҳим, ўтганларимизнинг охиратлари обод, жойлари жаннатда бўлсин, омин!

Мавзуга оид

  1. Ёшлар ўртасидаги Жаҳон чемпионати: Ғуломжон Абдуллаев бронза медали соҳиби

    Франциянинг Макон шаҳрида ўтказилаётган спорт курашлари бўйича ёшлар ўртасидаги Жаҳон чемптонатининг якуний баҳслари ҳам ўз ниҳоясига етиб бормоқда.

    2016-09-05 09:02:20662
  1. Пётр Порошенко: Ислом Каримов атоқли сиёсий арбоб, қайта туғилган Ўзбекистоннинг ёрқин етакчиси ваУкраинанинг садоқатли дўсти эди

    Украина президенти Пётр Порошенко Ўзбекистоннинг Биринчи Президенти Ислом Каримовнинг вафоти муносабати билан ҳамдардлик билдирди. Бу ҳақда «Жаҳон» хабар бермоқда.

    2016-09-04 03:40:28797
  1. Ислом бобомни хотирлаб

    Наманган вилояти ўлкашунослик музейида ёш ҳунарманд-кулол Маржона Абдуллажонованинг илк шахсий кўргазмаси ташкил этилди. У "Ислом бобомни хотирлаб" деб номланган. 

    2016-10-25 08:42:56781
  1. Умри давомида футбол ўйнамаган, устоз бўлиб шогирд етиштирмаган "Профессионал мураббий" Бабаян

    Умри давомида бирорта жамоа таркибида футбол ўйнамаган, мураббий сифатида бирорта шогирд етиштирмаган, клубдаги фаолияти давомида эса асосан маъмурий ва ташкилий ишлар билан шуғулланган мутахассислар учун 2 ойлик курсларда ўқиб “Про” лицензиясини олиш бу Профессионал мураббий бўлиб етишди дегани эмас экан. Ваҳоланки миллий терма жамоа унга берилган жуда катта имконият эди, аммо....

    2017-06-13 18:48:494204
  1. Америкалик журналист ва унинг таржимони Афғонистонда ўлдирилди

    АҚШнинг Миллий жамоатчилик радиоси (NPR) журналисти Дэвид Гилки ва унинг таржимони Забиҳулла Таманна Афғонистонда ўлдирилди, дея хабар бермоқда «ТАСС» радиостанция матбуот хизматига таяниб.

    2016-06-06 10:41:07908

 

    

Энг кўп ўқилганлар

Календарь

Боғланиш

Алоқа

Телефон: +998 93 406 05 05   
+998 90 988 54 77
Email: namnews@mail.ru

Реклама бўлими: +998 90 988 54 77, +998 93 406 48 40

Бизни кузатинг:

Facebook'даги саҳифамиз: facebook.com/namnews.uzbekistan

Twitter'даги саҳифамиз: twitter.com/namnews.uz