NAMNEWS.UZ—Маънавий-маърифий,ижтимоий-сиёсий,ахборот

 Қисқа сатрларда
Республика ишчи гуруҳи ўрганаётган Янгиқўрғонда юз берган жанжал ўлим билан тугади 19:56 17/08/2018
{$info.title|escape:'html'}

Республика ишчи гуруҳи муаммоларни ўрганиш ва уни бартараф этиш бўйича қизғин фаолият олиб бораётган бир кезда Янгиқўрғон туманида икки маҳалладош иштирокида юз берган кўнгилсиз ҳодиса ўлим билан якун топди. 

Батафсил
Наманганда порахўр ички ишлар ходими қўлга тушди 18:37 17/08/2018
{$info.title|escape:'html'}
Ички ишлар мулозими Ғолибжон Ўринбоев М. ни жиноий жавобгарликка тортмаслик ва “Cobalt” автомашинасини жарима майдончасидан чиқариб бериш эвазига унинг укаси Б. дан 1 минг АҚШ долларини пора сифатида беришини талаб қилган. Бу далилий факт ўтказилган тезкор тадбир давомида ўз тасдиғини топган.
Батафсил
Тожикистон раҳбари Шавкат Мирзиёевга нодир китоб совға қилди 17:46 17/08/2018
{$info.title|escape:'html'}
“Чашмаи Хирад” китобида ўзбек адабиётига улкан ҳисса қўшган буюк мутафаккир, шеърият мулкининг султони ҳазрат Алишер Навоийнинг тожик тилига таржима қилинган асарлари тўпланган.
Батафсил
Ўзбекистон ва Тожикистон: стратегик шериклик тўғрисидаги шартнома имзоланди 17:09 17/08/2018
{$info.title|escape:'html'}
“Ўзбекистон ва Тожикистон муносабатларидаги катта ўзгаришлар ҳақида кўп гапириш мумкин. Лекин энг муҳим ютуқ – амалий ишларимиз миллионлаб одамларга наф келтираётгани, уларнинг қалбида илиқлик уйғотаётганидир. Биз бундан буён ҳам халқларимиз дўстлигининг бузилмас кўпригини ҳар томонлама мустаҳкамлашга ҳаракат қиламиз”, - деди Шавкат Мирзиёев. 
Батафсил
Наманганда мудҳиш оилавий жанжал: Ота ўз ўғлини ўлдириб қўйди 16:25 17/08/2018
{$info.title|escape:'html'}

Шу йилнинг 14 август куни соат 19:00ларда Наманган шаҳридаги Бунёдкор маҳалласида яшовчи фуқаро Б. Ж. маиший жанжал давомида ўғли А. Ж. нинг чап оёғига ошхона пичоғи билан уриб, тан жароҳати етказган. Бунинг оқибатида тан жароҳатини олган А.Ж. шифохонада вафот этган.

Батафсил

Уйчи туманида янги насос станцияси ишга туширилди

Август 30
15:48 2016

Наманган вилоятининг Уйчи туманида “Қизил Ровот-2” насос станцияси ишга туширилди. 

Ватанимиз мустақиллигининг йигирма беш йиллик байрами арафасида барпо этилган мазкур иншоотнинг очилиш маросимида сув хўжалиги бўйича республика, вилоят идора ва ташкилотлари мутасаддилари, хорижий ҳамкорлар, туман жамоатчилиги, фахрийлар, ёшлар, оммавий ахборот воситалари ходимлари иштирок этди. 

Президентимиз раҳнамолигида мамлакатимиз иқтисодий қудрати, халқимиз турмуш фаровонлигини янада юксалтириш, жумладан, йўл-транспорт инфратузилмаси, автомобилсозлик саноати, ахборот-коммуникация технологиялари, ирригация ва мелиорация тизимида амалга оширилаётган изчил ишлар самараси бугун ҳаётимизнинг барча жабҳаларида ўзининг ёрқин ифодасини топаётгани таъкидланди. 

Давлатимиз раҳбарининг 2012 йил 12 июлдаги Фарғона ва Зарафшон водийлари сув ресурсларини бошқариш лойиҳасини амалга ошириш билан боғлиқ қўшимча чора-тадбирлар тўғрисидаги қарори асосида Ўзбекистон Республикаси Вазирлар Маҳкамаси ва Осиё тараққиёт банки ҳамкорлигидаги “Фарғона ва Зарафшон водийлари сув ресурсларини бошқариш” лойиҳаси доирасида барпо этилган “Қизил Ровот-2” насос станцияси ҳудудда қишлоқ хўжалигини янада ривожлантиришга хизмат қилади. 

Умумий қиймати қарийб 13 миллион долларга тенг ушбу лойиҳа халқаро тендер танловида ғолиб чиққан “Кубота Корпорейшн-Ортекс Инвестментс ЛТД” Япония – Буюк Британия қўшма консорциуми томонидан амалга оширилди. Иншоотда 4 миллион 760 минг доллар ҳажмда қурилиш-монтаж ишлари бажарилиб, 7 миллион 860 минг долларлик замонавий гидротехник асбоб-ускуналар ўрнатилди. Жумладан, Япониянинг “Кубота Корпорейшн” компаниясида тайёрланган ва умумий қуввати сониясига 10 кубометр сувни 58 метр баландликка кўтариб берадиган тўрт комплект насос агрегати ўрнатилди ва юқори босимли қувурлар монтаж қилинди. Станция янги ўрнатилган 110/10 кВт қувватли трансформатор подстанцияси орқали электр энергияси билан таъминланди. Хориждан келтирилган электр ва механик ускуналар иншоотнинг юқори аниқликда ишлашига хизмат қилади. 

Гидроиншоот компьютерлаштирилган тизим орқали бошқарилиб, жараён тўлиқ видеоназорат остига олинган. Замонавий компьютер технологиялари билан жиҳозланган бошқарув пунктида малакали мутахассислар томонидан сувнинг ҳароратидан тортиб, тезлиги-ю босими ва бошқа барча параметрлар туну кун кузатиб борилади. Бу ерга ўрнатилган қуёш батареяли фотоэлектр модули тизимда электр энергияси таъминотида узилиш юз берган фавқулодда ҳолатларда станция биносини ёритиш ва кузатув-назорат ускуналарининг узлуксиз ишлашини таъминлайди. 

– Мазкур замонавий насос станцияси шу пайтгача мавжуд бўлган шундай иншоотларга нисбатан йилига ўртача уч миллион киловатт ёки 20 фоиздан ортиқ электр энергиясини тежайди, – дейди Фарғона водийсида лойиҳани амалга ошириш бўлими раҳбари Раҳмонали Ёқубов. – Шу нуқтаи назардан бу лойиҳа вилоят иқтисодиётида алоҳида аҳамиятга эга. 

“Қизил Равот-2” сув иншооти 17 минг 800 гектар суғориш майдонига обиҳаёт етказиб беради ва Катта Наманган каналидан сув ичадиган 32 минг гектардан зиёд қишлоқ хўжалиги майдонида суғориш мавсумидаги сув тақчиллиги муаммоси барҳам топади. Уйчи, Чортоқ, Наманган туманларидаги 2 минг 500 фермер хўжалиги ва 135 минг хонадоннинг деҳқончилигига янада барака киради. 

– Ўзбекистон Япониянинг ишончли ҳамкорларидан биридир, – дейди “Кубота Корпорейшн” компаниясининг мамлакатимиздаги вакили Кед Жима. – Бунда мамлакатингизда яратилган қулай инвестицион муҳит, ижтимоий барқарорлик муҳим омил бўлиб хизмат қилмоқда. Биз инсон учун энг зарур ҳаётий неъмат бўлган сув таъминотини яхшилаш билан боғлиқ йирик лойиҳада иштирок этганимиздан ғоят мамнунмиз. 

Ушбу гидроиншоотни барпо этишда иштирок этган масъул ходимлар, муҳандис ва мутахассислар, бунёдкорларга эсдалик совғалари топширилди. 

Тадбирда Наманган вилояти ҳокими Х.Бозоров сўзга чиқди. 

 

 

Акрамжон Сатторов, Ҳотам Мамадалиев (сурат), ЎзА 

Мавзуга оид

  1. KOICA "Тошкент-4" янги аэропорт лойиҳасини ҳукуматга тақдим этди
    2016 йилнинг 29 апрелида давлат дастурларини амалга оширишда беминнат ёрдам берувчи Корея халқаро ҳамкорлик агентлиги    (KOICA) ва  "Ўзбекистон ҳаво йўллари" МАК Тошкент шаҳри аэропортида янги халқаро йўловчи терминали қурилиши учун техник-иқтисодий асосни ишлаб чиқиш лойиҳаси доирасида оралиқ семинар ўтказишди, деб хабар қилади kun.uz.
    2016-05-28 20:26:371044
  1. Уйчи туманида 17 қишлоқ врачлик пункти негизида 7 қишлоқ оилавий поликлиникаси ташкил этилди

    Наманган вилояти Уйчи туманида Президентимизнинг 2017 йил 29 мартдаги “Ўзбекистон Республикасида бирламчи тиббий-санитария ёрдами муассасалари фаолиятини ташкил этишни янада такомиллаштириш чора-тадбирлари тўғрисида”ги қарори ижроси борасидаги тажрибаларни оммалаштириш масаласига бағишланган кўргазмали семинар ўтказилди. 

    2017-05-22 19:14:242335
  1. АФҒОНИСТОНДА РАСМИЙ АЁЛЛАР УНИВЕРСИТЕТИ ИШГА ТУШИРИЛДИ

    Рула Ғани Афғонистонда биринчи “Мура” аёллар университетини очди.

    2016-06-06 11:04:06936
  1. Арнасой туманида яшовчи Адҳам Эрдошовлар оиласида бирйўла уч чақалоқ дунёга келди

    Жиззах вилоятининг Арнасой тумани “Бахтли” маҳалласида яшовчи Адҳам Эрдошовлар оиласида бирйўла уч чақалоқ – икки ўғил, бир қиз дунёга келди. Бахтиёр ота-она фарзандларига Ҳасан, Ҳусан ва Зулайҳо исмларини қўйишди. 

    2016-06-17 09:32:07854

 

    

Энг кўп ўқилганлар

Календарь

Боғланиш

Алоқа

Телефон: +998 93 406 05 05   
+998 90 988 54 77
Email: namnews@mail.ru

Реклама бўлими: +998 90 988 54 77, +998 93 406 48 40

Бизни кузатинг:

Facebook'даги саҳифамиз: facebook.com/namnews.uzbekistan

Twitter'даги саҳифамиз: twitter.com/namnews.uz