NAMNEWS.UZ—Маънавий-маърифий,ижтимоий-сиёсий,ахборот

 Қисқа сатрларда
Президент фармони амалда: "Наманган" эркин иқтисодий зонаси ўз фаолиятини бошлади 16:02 16/02/2019
{$info.title|escape:'html'}
"Наманган" эркин иқтисодий зонасининг асосий вазифаси ташқи бозорларда талаб этилаётган ва импорт ўрнини босувчи, юқори қўшилган қийматга эга маҳсулотлар ишлаб чиқариш бўйича замонавий ишлаб чиқаришларни ташкил қилиш учун тўғридан-тўғри хорижий ва маҳаллий инвестицияларни жалб этиш.
Батафсил
МИБ намунали истеъмолчиларни рағбатлантирмоқда 18:34 15/02/2019
{$info.title|escape:'html'}

Саидметовлар хонадонига яқинда Мажбурий ижро бюроси Наманан вилояти бошқармаси бошлиғининг ташаккурномаси эълон қилинди.

Батафсил
Президент қарорини ўқиб: Қучоқ очиб, халқ ичига борайлик! 17:43 15/02/2019
{$info.title|escape:'html'}
Президентимиз ижодкор зиёлилар билан учрашдию, ҳамма нарса яхшилик томон ўзгарди-қолди. Матбуот ва ахборот бошқармаси ҳам, журналистлар уюшмаси вилоят бўлими ҳам муқим маошлик бўлдилар. Хизмат автомашиналари  туфайли “оёғимиз олтита” бўлиб қолди.
Батафсил
"Миллий тикланиш" партияси Наманганда нималарга эриша олди? 21:03 14/02/2019
{$info.title|escape:'html'}
Ўзбекистон “Миллий тикланиш” демократик партияси Наманган вилояти кенгашининг навбатдаги Пленуми бўлди.
Батафсил
Бузоқнинг югургани: ДХХ чегарада миллионлаб сўмлик "контрабанда"ни тўхтатиб қолди 17:53 14/02/2019
{$info.title|escape:'html'}
Юртимизга ноқонуний равишда кириб келаётган ёки олиб чиқиб кетилаётган ҳар қандай маҳсулотлар ҳуқуқий органларнинг доимий назоратида.
Батафсил

Уйчи туманига янги ҳоким тайинланди

Август 15
11:39 2018
Кеча (2018 йил, 14 август куни) халқ депутатлари Уйчи тумани Кенгашининг навбатдан ташқари сессияси бўлиб ўтди. Сессия ишини халқ депутатлари туман Кенгаши раисининг жамоатчилик асосидаги ўринбосари, Ўзбекистон “Миллий тикланиш” демократик партиясидан сайланган депутат Фазлиддин Муҳиддинов очди ва олиб борди.
Туман ва вилоят Кенгашлари депутатлари, туман фаоллари ва корхона, муассасалар раҳбарлари, вилоят ташкилотлари бошлиқлари ҳамда оммавий ахборот воситалари вакиллари иштирок этган сессия ишида ташкилий масала кўриб чиқилди.
Сессия ишида Наманган вилояти ҳокими, сенатор Хайрулло Бозоров сўзга чиқиб, Уйчи туманида ўтган вақт мобайнида олиб борилган ишлар, ҳокимлик фаолиятига танқидий баҳо берди. Бугунги кунда туман фаоллари олдида турган долзарб вазифаларга алоҳида эътибор қаратиб, ишга бўлган талаб ва масъулиятни ошириш зарурлигини таъкидлади.
Сессияда Наманган вилояти экология ва атроф-муҳитни муҳофаза қилиш бошқармаси бошлиғи лавозимида ишлаб келган Муҳаммадаюбхўжа Пўлатович Апақов Уйчи тумани ҳокими вазифасини бажарувчи этиб тайинланди. Бу ҳақдаги вилоят ҳокимининг қарори депутатлар томонидан бир овоздан тасдиқланди.
Маълумот ўрнида, Муҳаммадаюбхўжа Пўлатович Апақов 1968 йил 21 майда Наманган вилояти Чортоқ туманида туғилган. 1994 йили Тошкент молия институти, 2004 йили Наманган давлат университети, 2008 йили Ўзбекистон Республикаси Президенти ҳузуридаги Давлат бошқаруви академиясини тамомлаган. Мутахассислиги – иқтисодчи, ҳуқуқшунос. Ўзбекистон “Миллий тикланиш” демократик партияси аъзоси.
М. Апақов меҳнат фаолиятини 1985 йилда Наманган вилояти қишлоқ ва сув хўжалиги бошқармаси тизимидаги ўрмон хўжалиги “Занг” участкасида ишчи сифатида бошлаган. Меҳнат фаолияти давомида Косонсой тумани давлат солиқ инспекцияси бўлим назоратчиси, катта назоратчи, бўлим бошлиғи, Солиқ сохасида ҳуқуқбузарликка қарши курашиш Наманган вилояти бошқармаси тезкор ходими, Тўрақўрғон тумани давлат солиқ инспекцияси бўлим бошлиғи, Наманган шаҳар давлат солиқ инспекцияси бошлиғининг ўринбосари, Косонсой туман солиқ инспекцияси бошлиғининг ўринбосари, инспекция бошлиғи, Косонсой тумани ҳокимининг иқтисодиёт ва ижтимоий ривожлантириш масалалари бўйича ўринбосари, Ўзбекистон Савдо-саноат палатаси Наманган вилояти ҳудудий бошқармаси бошлиғи, Наманган вилояти ҳокимлигининг иқтисодиёт ва ижтимоий ривожлантириш масалалари котибияти мудири, Наманган вилояти “Сувоқава” давлат унитар корхонаси директори лавозимларида иш олиб борган. 2017 йилдан ҳозирги вақтга қадар эса Наманган вилояти экология ва атроф-муҳитни муҳофаза қилиш бошқармаси бошлиғи вазифасида ишлаб келаётган эди.
“Namnews.uz” ахборот-таҳлилий портали жамоаси Уйчи тумани ҳокими лавозимида иш бошлаган Муҳаммадаюбхўжа Пўлатович Апақовга масъулиятли ишларида мустаҳкам саломатлик, ғайрат-шижоат, улкан зафарлар тилайди.
Қайд этиш жоиз, август ойининг аввалида Уйчи туманида 4 та сектор раҳбарлари – туман ҳокими Абдуғани Турдиев, туман прокурори Бахтиёр Абдураҳимов, туман ички ишлар бўлими бошлиғи Равшан Юсубжонов а туман давлат солиқ инспекцияси бошлиғи Расулжон Отахоновлар ғўза парваришида жиддий хато ва камчиликларга йўл қўйганлиги, мавсум давомида хотиржамликка берилиб, агротехник тадбирларни белгиланган муддатда тўғри ташкил этмаганлиги, ўз хизмат вазифаларига совуққонлик билан қараганлиги сабабли эгаллаб турган лавозимидан озод этилган эди.
 
 

Мавзуга оид

  1. Наманганда ҳоким ўринбосарларига хизмат автомобиллари берилди

    Наманган шаҳар ва барча туманлар ҳоким ўринбосарлари – хотин-қизлар қўмитаси раисларига ҳам хизматда фойдаланиш учун енгил автомобиллари берилди. 

    2017-03-01 11:05:051633
  1. KOICA "Тошкент-4" янги аэропорт лойиҳасини ҳукуматга тақдим этди
    2016 йилнинг 29 апрелида давлат дастурларини амалга оширишда беминнат ёрдам берувчи Корея халқаро ҳамкорлик агентлиги    (KOICA) ва  "Ўзбекистон ҳаво йўллари" МАК Тошкент шаҳри аэропортида янги халқаро йўловчи терминали қурилиши учун техник-иқтисодий асосни ишлаб чиқиш лойиҳаси доирасида оралиқ семинар ўтказишди, деб хабар қилади kun.uz.
    2016-05-28 20:26:371268
  1. Уйчи туманида янги насос станцияси ишга туширилди

    Наманган вилоятининг Уйчи туманида “Қизил Ровот-2” насос станцияси ишга туширилди. 
    Ватанимиз мустақиллигининг йигирма беш йиллик байрами арафасида барпо этилган мазкур иншоотнинг очилиш маросимида сув хўжалиги бўйича республика, вилоят идора ва ташкилотлари мутасаддилари, хорижий ҳамкорлар, туман жамоатчилиги, фахрийлар, ёшлар, оммавий ахборот воситалари ходимлари иштирок этди. 

    2016-08-30 15:48:45838
  1. Дилмурод Қодиров Норин туманига ҳоким этиб тайинланди

    Энди туманни ҳозирга қадар Наманган вилоят ҳокимининг қишлоқ ва сув хўжалиги масалалари бўйича ўринбосари вазифасида ишлаб келаётган Қодиров Дилмурод  Ғофурович бошқаради.

    2017-05-17 22:57:541448
  1. Шавкат Мирзиёев Ўзбекистон президенти вазифасини вақтинча бажарувчи этиб тайинланди

    Бугун Ўзбекистон Президенти вазифасини вақтинча бажарувчиси тайинланиши эълон қилинган эди, деб хабар беради «Sputnik».

    2016-09-08 17:06:051509

 

    

Энг кўп ўқилганлар

Календарь

Боғланиш

Алоқа

Телефон: +998 93 406 05 05   
+998 90 988 54 77
Email: namnews@mail.ru

Реклама бўлими: +998 90 988 54 77, +998 93 406 48 40

Бизни кузатинг:

Facebook'даги саҳифамиз: facebook.com/namnews.uzbekistan

Twitter'даги саҳифамиз: twitter.com/namnews.uz